Wednesday, 28 June 2017

அரசுப் பள்ளிகளில் பணியாற்றும் ஆசிரியர்கள் தங்களது குழந்தைகளை அரசுப் பள்ளிகளில் சேர்க்காதது ஏன்? 20 கேள்விகளுக்கு பதிலளிக்க உயர் நீதிமன்றம் உத்தரவு

அரசுப் பள்ளிகளில் பணியாற்றும் ஆசிரியர்கள் தங்களது குழந்தைகளை அரசுப் பள்ளிகளில் சேர்க்காதது ஏன்? 20 கேள்விகளுக்கு பதிலளிக்க உயர் நீதிமன்றம் உத்தரவு | அரசு பள்ளியில் பணியாற்றும் ஆசிரியர்கள் தங்களது குழந் தைகளை அரசுப் பள்ளிகளில் சேர்க்காதது ஏன் என்பது குறித் தும், இதை கட்டாயமாக்காதது ஏன் என்பது குறித்தும் அரசுக்கு சென்னை உயர் நீதிமன்றம் கேள்விகளை எழுப்பியுள்ளது. தஞ்சை மாவட்டம் பந்த நல்லூரில் உள்ள அரசு உதவி பெறும் நடுநிலைப் பள்ளியில் ஆங்கில வழி வகுப்புகள் தொடங்க அரசு அனுமதி மறுத்து பிறப்பித்த உத்தரவை ரத்து செய்யக்கோரி அப்பள்ளி சார்பில் உயர் நீதிமன்றத்தில் மனு தாக்கல் செய்யப்பட்டது. அதில், 'அரசுப் பள்ளிகளில் ஆங்கில வழி வகுப்புகளைத் தொடங்க தமிழக அரசு கடந்த 2012-ல் உத்தரவிட்டது. ஆனால் அரசு உதவி பெறும் பள்ளிகளில் மட்டும் ஆங்கில வழி வகுப்பு கள் தொடங்க அனுமதி மறுப் பது பாரபட்சமானது. எனவே எங்களது பள்ளியில் ஆங்கில வழி வகுப்புகள் தொடங்க அனு மதிக்க உத்தரவிட வேண்டும்' என கோரப்பட்டு இருந்தது. இந்த வழக்கை விசாரித்த உயர் நீதிமன்ற நீதிபதி என்.கிருபாகரன் நேற்று அரசுக்கு 20 கேள்விகளை எழுப்பி பிறப்பித்த உத்தரவில் கூறி யிருப்பதாவது: கல்வி என்ற மிகப்பெரிய ஆயுதம் கொண்டு உலகையே மாற்றலாம் என நெல்சன் மண் டேலா கூறியுள்ளார். கல்வி யில் கிராமப் புற மாணவர் கள் புறக்கணிக்கப்படுகின்ற னர். தமிழ் வழி ஆசிரியர்களே ஆங்கில வழிப் பாடத்தையும் நடத்துவதால், ஆங்கில வழி வகுப்புகளுக்கு அனுமதி யளிப்பதால் எந்த உபயோக மும் இல்லை. இதேநிலை தொடர்ந்தால் கிராமப்புற மாணவர்களை ஆண்டவனால் கூட காப்பாற்ற முடியாது. பெரும்பாலான அரசுப் பள்ளி ஆசிரியர்கள் குறித்த நேரத்துக்கு பள்ளிக்குச் செல் வது கிடையாது. முறையாக வகுப்புகளை நடத்துவது கிடையாது. பலர் பகுதி நேர தொழில் செய்வது போன்ற நடவடிக்கைகளில் ஈடுபட்டால் அரசுப் பள்ளியின் தரம் எப்படி உயரும்? அரசுப் பள்ளி ஆசிரி யர்கள் அர்ப்பணிப்புடன் பணி யாற்றினால் ஒழிய நமது எதிர் காலம் பிரகாசமாக இருக்காது என்றார். பின்னர், சரமாரியாக கேள்விகளை எழுப்பிய நீதி பதி அவற்றுக்கு பதிலளிக்க அரசுக்கு உத்தரவிட்டார். நீதிபதி எழுப்பிய 20 கேள்விகள் # அரசுப் பள்ளி ஆசிரியர்கள் தங்களது குழந்தைகளை அரசு பள்ளியில் சேர்க்காதது ஏன்? அதை அரசு கட்டாயமாக்காதது ஏன்? # 2012-க்குப் பிறகு எத்தனை பள்ளியில் ஆங்கில வழி வகுப்புகள் தொடங்கப் பட்டுள்ளன? # அந்த வகுப்புகளில் தற்போது எத்தனை மாணவர்கள் படிக்கின்றனர்? # தமிழ்வழி ஆசிரியர்களே அங்கு ஆங்கில வழி வகுப்புகளை நடத்துகின்றனரா? # ஆங்கில வழி வகுப்பை நடத்த அங்கு பயிற்சி பெற்ற வேறு ஏதேனும் ஆசிரியர்கள் நியமிக்கப்பட்டுள்ளனரா? # அரசுப் பள்ளியை விடுத்து பெற்றோர்கள் தனியார் பள்ளிகளுக்கு செல்வது ஏன்? # குறித்த நேரத்துக்கு வராத ஆசிரியர்கள் மீது என்ன நடவடிக்கை எடுக்கப்பட்டுள்ளது? # ஆசிரியர்கள் சங்கங்கள் தொடங்குவதை ஏன் தடை செய்யக்கூடாது? # ஊரகப்பகுதிகளில் அரசுப் பள்ளிகளை நிர்வகிக்க தொண்டு நிறுவனங்களை ஏன் அனுமதிக்கக்கூடாது? # பள்ளி நேரங்களில் ஆசிரியர்கள் மொபைல் போன் பயன்படுத்துவதை ஏன் தடை செய்யக்கூடாது? # இதுவரை எத்தனை ஆங்கில வழி ஆசி ரியர்கள் பள்ளிகளில் நியமிக்கப்பட்டுள்ளனர்? # எந்த தகுதியின் அடிப்படையில் அவர்கள் நியமிக்கப்படுகின்றனர்?. # அரசுப் பள்ளிகளில் ஆசிரியர்கள் காலதாமதமாக வருவதை கண்காணிக்க தமிழக அரசு பறக்கும் படையை அமைத்துள்ளதா? # கிராமப்புற, மலைப்பகுதிகளில் உள்ள அரசு பள்ளிகளில் ஆசிரியர்கள் காலதாமதமாக வரு வதை கண்டறிய ஏன் பயோ-மெட்ரிக் எனப் படும் கைவிரல் ரேகைப் பதிவு இயந்திரத்தை பொருத்தக் கூடாது? # ஆசிரியர்களின் வருகையை நாள் முழு வதும் கண்காணிக்க வகுப்பறையில் சிசிடிவி கேமரா பொருத்த வாய்ப்புள்ளதா? # கடந்த 10 ஆண்டுகளில் அரசு மற்றும் தனியார் பள்ளிகளின் 10-ம் வகுப்பு பொதுத் தேர்வின் தேர்ச்சி விகிதம் என்ன? # கடந்த 10 ஆண்டுகளில் கிராமப்புற அரசுப் பள்ளிகளின் தேர்ச்சி விகிதம் என்ன? # கடந்த 10 ஆண்டுகளில் அரசு உயர்நிலைப் பள்ளி மற்றும் கிராமப்புற அரசுப் பள்ளிகளில் பயிலும் மாணவர்களின் எண்ணிக்கை என்ன? # மாறிவரும் கல்வி கற்பிக்கும் முறைக் கேற்ப தமிழக அரசு ஆசிரியர்களுக்கு முறையான பயிற்சி வழங்குகிறதா? # அரசு ஆசிரியர்கள் தங்கள் சொந்த ஊரில் பணிபுரிவதைத் தடுக்க மாநில மற்றும் மாவட்ட வாரியாக அனுபவத்தின் அடிப்படையில் நியமனம் நடைபெறுகிறதா? என்பது குறித்து வரும் ஜூலை 14-ம் தேதிக் குள் தமிழக அரசு பதிலளிக்க வேண்டும் என உத்தரவிட்ட நீதிபதி, விசாரணையைத் தள்ளிவைத்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு ஐடிஐ மாணவர் சேர்க்கை கலந்தாய்வு விவரத்தை இணையதளத்தில் அறியலாம்

அரசு ஐடிஐ மாணவர் சேர்க்கை கலந்தாய்வு விவரத்தை இணையதளத்தில் அறியலாம் | தமிழக அரசு நேற்று வெளியிட்டுள்ள செய்திக்குறிப்பு: அரசு மற்றும் அரசு உதவி பெறும் தொழிற்பயிற்சி நிலையங் கள் (ஐடிஐ) மற்றும் தனியார் ஐடிஐ-க்களில் உள்ள அரசு ஒதுக் கீட்டு இடங்களின் மாணவர் சேர்க்கைக்கான கலந்தாய்வு மாவட்ட அளவில் ஜூன் 23 முதல் நடைபெற்று வருகிறது. மதிப்பெண் மற்றும் இட ஒதுக்கீடு அடிப்படையில் விண்ணப்பதாரர்கள் கலந்தாய் வுக்கு அழைக்கப்படுகிறார்கள். கலந்தாய்வு நாள், நேரம், இடம் ஆகிய விவரங்கள் விண்ணப்ப தாரர்களின் செல்போன் எண்ணுக்கு குறுஞ்செய்தி மூலம் அனுப்பப்பட் டுள்ளது. விண்ணப்பதாரர்கள் www.skilltraining.tn.gov.in என்ற இணையதளத்தில் தங்கள் விண்ணப்ப எண், பிறந்த தேதியைக் குறிப்பிட்டு கலந் தாய்வு நாள், இடம், நேரம் ஆகிய விவரங்களை அறியலாம்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

5 ஆண்டு ஆனர்ஸ் சட்டப் படிப்புக்கான கட் ஆஃப் மதிப்பெண் வெளியீடு ஜூலை 5-ம் தேதி கலந்தாய்வு

5 ஆண்டு ஆனர்ஸ் சட்டப் படிப்புக்கான கட் ஆஃப் மதிப்பெண் வெளியீடு ஜூலை 5-ம் தேதி கலந்தாய்வு | தமிழ்நாடு டாக்டர் அம்பேத்கர் சட்டப் பல்கலைக்கழகத்தின் கீழ் செயல்படும் சீர்மிகு சிறப்பு சட்டக் கல்லூரியில் பிஏ.எல்எல்பி, பிபிஏ.எல்எல்பி, பிகாம்.எல்எல்பி, பிசிஏ.எல்எல்பி ஆகிய 5 ஆண்டு கால ஆனர்ஸ் சட்டப் படிப்புகள் வழங்கப்படுகின்றன. இப்படிப்புக ளில் மொத்தம் 624 இடங்கள் உள்ளன. 2017-18ம் கல்வி ஆண்டில் மேற்கண்ட 5 ஆண்டு கால ஆனர்ஸ் சட்டப் படிப்புகளில் சேர 2,934 பேர் விண்ணப்பித்திருந்தனர். இந்த நிலையில், ஒவ்வொரு படிப்புக்கான கட் ஆஃப் மதிப்பெண் பட்டியலை தமிழ்நாடு டாக்டர் அம்பேத்கர் சட்டப் பல்கலைக்கழகம் நேற்று வெளியிட்டது. இப்பட்டியலை சட்டப் பல்கலைக்கழகத்தின் இணையதளத்தில் (www.tndalu.ac.in) காணலாம். கலந்தாய்வு ஜூலை 5-ம் தேதி (புதன்கிழமை) நடைபெறுகிறது. கலந்தாய்வுக்கான அழைப்புக் கடிதம் சம்பந்தப்பட்ட மாணவர் களுக்கு தபால் மூலமாக அனுப் பப்பட்டு வருவதாகவும், உரிய கட் ஆஃப் மதிப்பெண் தகுதியிருந்தும் அழைப்புக் கடிதம் வரவில்லை எனில் சட்டப் பல்கலைக்கழகத்தை தொடர்புகொள்ளலாம் என்றும் சட்டப் படிப்பு மாணவர் சேர்க்கை தலைவர் வி.பாலாஜி தெரிவித்துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

1,577 கால்நடை உதவியாளர் பணிக்கான தேர்வு ரத்து உயர் நீதிமன்றத்தில் தமிழக அரசு தகவல்

1,577 கால்நடை உதவியாளர் பணிக்கான தேர்வு ரத்து உயர் நீதிமன்றத்தில் தமிழக அரசு தகவல் | கால்நடைத் துறையில் 1,577 கால்நடை உதவியாளர் பணிக்கு நடத்தப்பட்ட தேர்வு ரத்து செய்யப்பட்டுள்ளதாக உயர் நீதிமன்றத்தில் அரசு தரப்பில் தெரிவிக்கப்பட்டது. திருவாரூர் மாவட்டம் விஜயபுரத்தைச் சேர்ந்த கிருத்திகா என்பவர் சென்னை உயர் நீதிமன்றத்தில் தாக்கல் செய்த மனுவில் கூறியிருப்பதாவது: தமிழகம் முழுவதும் 1,577 கால்நடை உதவியாளர் பணிக்கான விண்ணப்பங்கள் கால்நடை பராமரிப்புத் துறை இயக்குநரால் கடந்த ஏப்ரல் 19-ம் தேதி முதல் வரவேற்கப்பட்டது. மேலும் இந்தப் பணிக்கான நேர்முகத் தேர்வு கடந்த மே 10-ம் தேதி நடத்தப்பட்டது. அதில் நானும் கலந்துகொண்டேன். ஆனால், இதுவரை முடிவு அறிவிக்கப்படவில்லை. இந்தப் பணிக்கு ரூ.6 லட்சத்தில் இருந்து ரூ.10 லட்சம் வரை அமைச்சர் முதல் அதிகாரிகள் வரை லஞ்சம் பெற்றுக்கொண்டு நியமனம் வழங்குவதாக தகவல்கள் வெளியாகியுள்ளன. எனவே, நியாயமான முடிவுகளை வெளியிட உத்தரவிட வேண்டும். ஐஏஎஸ் அதிகாரி சகாயம் போன்றோரை நியமித்து நேர்மையாக இந்தத் தேர்வை நடத்த வேண்டும். இவ்வாறு மனுவில் கோரியிருந்தார். இந்த மனு, தலைமை நீதிபதி இந்திரா பானர்ஜி, நீதிபதி எம்.சுந்தர் ஆகியோரைக் கொண்ட முதன்மை அமர்வில் விசாரணைக்கு வந்தது. அப்போது அரசு தலைமை குற்றவியல் வழக்கறிஞர் ஆர்.முத்துக்குமாரசாமி ஆஜராகி, ''கால்நடை உதவியாளர்களுக்கான நியமனம் மாவட்ட அளவில் சுழற்சி முறையில் நடத்தப்பட வேண்டும். ஆனால், தற்போது மாநில அளவில் தவறுதலாக இந்த நியமனம் நடைபெறவிருந்தது. எனவே, தேர்வு நடைமுறையில் தவறு நடந்துள்ளதால் அது தொடர்பான அனைத்து நடவடிக்கைகளையும் ரத்து செய்து கால்நடை துறைச் செயலாளர் அறிவித்துள்ளார். மேலும் புதிதாக தேர்வு நடத்த நடவடிக்கை எடுக்கப்பட்டுள்ளது'' என்றார். இதை பதிவு செய்த நீதிபதிகள், வழக்கை முடித்துவைத்து உத்தரவிட்டனர்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 27 June 2017

பகுதி நேர ஆசிரியர்களின் கோரிக்கைகளை நிறைவேற்ற குழு அமைச்சர் கே.ஏ.செங்கோட்டையன் தகவல்

பகுதி நேர ஆசிரியர்களின் கோரிக்கைகளை நிறைவேற்ற குழு அமைச்சர் கே.ஏ.செங்கோட்டையன் தகவல் | தமிழகத்தில் பணியாற்றும் பகுதி நேர ஆசிரியர்களின் கோரிக்கை களை நிறைவேற்ற குழு அமைக் கப்படும் என்று பள்ளிக் கல்வித் துறை அமைச்சர் கே.ஏ.செங் கோட்டையன் கூறினார். கோவையில் செய்தியாளர்களி டம் அவர் நேற்று கூறியதாவது: கல்வித் துறையில் தமிழகத்தை முன்னோடி மாநிலமாக மாற்று வதற்காக பல்வேறு மாற்றங்களை கொண்டுவந்துள்ளோம். இது வரை 47 அறிவிப்புகள் வெளியாகி யுள்ளன. மேலும் பல அறிவிப்புகள் வெளியாக உள்ளன. 'நீட்' தேர்வில் இருந்து தமிழகத் துக்கு விதிவிலக்கு அளிக்க வேண்டும் என்று தொடர்ந்து வலி யுறுத்தி வருகிறோம். மத்திய அரசின் பல்வேறு பொதுத் தேர்வு களிலும் வெற்றிபெறும் வகை யில் தமிழக மாணவர்களின் திறனை மேம்படுத்த பல்வேறு நடவடிக்கைகள் மேற்கொள்ளப் பட்டுள்ளன. பிளஸ் 1, 2 மாணவர்களுக்கு உதவும் வகையில் 54 ஆயிரம் கேள்வி-பதில்கள் மற்றும் வரை படங்கள் அடங்கிய தொகுப்பு உருவாக்கப்பட்டு வருகிறது. சிபிஎஸ்சி பாடத் திட்டத்துக்கு சமமான கல்வியை மாநில அரசு கல்வித் திட்டத்திலும் அமல்படுத்த விரைவான நடவடிக்கை மேற்கொள்ளப்படும். அரசுப் பள்ளிகளில் 3 ஆயிரம் ஸ்மார்ட் வகுப்புகள் அமைப்பது தொடர்பான உத்தரவு தற்போது வெளியிடப்பட்டுள்ளது. சில நாட்களில் இதற்கான டெண்டர் விடப்பட்டு, பணிகள் தொடங்கும். பகுதி நேர ஆசிரியர்களின் சம்பளம் ரூ.7,700-ஆக உயர்த்தப் பட்டுள்ளது. மேலும், மாதந்தோறும் 1-ம் தேதியே பகுதி நேர ஆசிரி யர்கள் சம்பளம் பெறும் வகையில் நடவடிக்கை மேற்கொள்ளப்படும். மேலும், பகுதி நேர ஆசிரியர் களின் கோரிக்கைகளை நிறை வேற்றுவதற்காக ஒரு குழுவை அமைத்து, அதன் பரிந்துரையின் பேரில் உரிய நடவடிக்கை மேற்கொள்ளப்படும். தனியார் பள்ளிகளில் வசூலிக் கப்படும் கல்விக் கட்டணம் தொடர்பாக, நீதிமன்றத் தீர்ப்புக் குப் பிறகு உரிய நடவடிக்கை மேற்கொள்ளப்படும். எனினும், மிக அதிக அளவில் கல்விக் கட்டணம் வசூலிக்கும் பள்ளிகள் குறித்து, உயர் நீதிமன்ற நீதிபதி தலைமையில் அமைக்கப்பட் டுள்ள குழுவிடம் புகார் தெரிவித்து, உரிய தீர்வு காணலாம். குடியரசுத் தலைவர் தேர்தலில் பாஜகவுக்கு ஆதரவு தெரிவிப்பது தொடர்பாக ஒவ்வொருவரும் கருத்தை தெரிவிக்க உரிமை உண்டு. எனினும், அதுகுறித்து நான் கருத்து தெரிவிக்க விரும்ப வில்லை. மதுரையில் நடைபெறும் எம்.ஜி.ஆர். நூற்றாண்டு விழாவில் அதிமுக பொதுச் செயலாளர், துணைப் பொதுச் செயலாளர் ஆகியோர் பங்கேற்பார்களா என்பதை பொறுத்திருந்து பாருங்கள் என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Monday, 26 June 2017

பள்ளிகளை கலந்து ஆலோசிக்காமல் ‘பொதுத்தேர்வுகளை முன்கூட்டியே நடத்தமாட்டோம்’ சி.பி.எஸ்.இ அறிவிப்பு

பள்ளிகளை கலந்து ஆலோசிக்காமல் 'பொதுத்தேர்வுகளை முன்கூட்டியே நடத்தமாட்டோம்' சி.பி.எஸ்.இ அறிவிப்பு | மத்திய கல்வி வாரிய (சி.பி.எஸ்.இ.) பள்ளிகளில் பயிலும் 10 மற்றும் 12-ம் வகுப்பு மாணவர்களின் பொதுத்தேர்வு விடைத்தாள்களை திருத்துவதில் தவறு நிகழ்வதாக சி.பி.எஸ்.இ.க்கு அடிக்கடி புகார்கள் வந்தன. எனவே இது குறித்து விசாரணை நடத்தி அறிக்கை அளிக்க 2 குழுக்கள் அமைக்கப்பட்டன. இந்த குழுக்கள் விசாரணை நடத்தி சி.பி.எஸ்.இ.க்கு அளித்த பரிந்துரையில், 10 மற்றும் 12-ம் வகுப்புகளுக்கு ஆண்டுதோறும் மார்ச் மாதத்தில் நடத்தப்படும் பொதுத்தேர்வுகளை பிப்ரவரி மாதத்திலேயே நடத்துமாறு கூறப்பட்டு இருந்தது. இது குறித்து சி.பி.எஸ்.இ.யும் பரிசீலித்து வந்ததாக தெரிகிறது. ஆனால் இந்த நடவடிக்கைக்கு பள்ளிகள் தரப்பில் இருந்து கவலை தெரிவிக்கப்பட்டது. இதைத்தொடர்ந்து, முன்கூட்டி பொதுத்தேர்வுகள் நடத்துவது தொடர்பாக அனைத்து தரப்பினரிடமும் கலந்து ஆலோசிக்கப்படும் என சி.பி.எஸ்.இ. அறிவித்து உள்ளது. தரமான விடைத்தாள் மதிப்பீட்டுக்காகவே இந்த திட்டம் பரிசீலிக்கப்படுவதாக கூறிய வாரிய அதிகாரி ஒருவர், எனினும் இது குறித்து பள்ளிகள் மற்றும் வாரியத்துடன் தொடர்புடையவர்கள் அனைவருடனும் கலந்து ஆலோசிக்காமல் இதில் முடிவு எதுவும் எடுக்கப்படாது என்று தெரிவித்தார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

மருத்துவ படிப்புக்கான விண்ணப்பம் 27-ந் தேதி முதல் வினியோகம் | கடைசி நாள் 08.07.2017 |

மருத்துவ படிப்புக்கான விண்ணப்பம் 27-ந் தேதி முதல் வினியோகம் | கடைசி நாள் 08.07.2017 | ஜூன் 27-ந் தேதி முதல் விண்ணப்பங்கள் வினியோகம் செய்யப்படும். ஜூலை 17-ந் தேதி முதல் கலந்தாய்வு தொடங்கும். மாநில திட்ட கல்வியில் படித்த மாணவர்களுக்கு தனி ஒதுக்கீடும், சி.பி.எஸ்.இ., ஐ.சி.எஸ்.சி., உள்ளிட்ட வாரிய கல்விமுறையில் படித்தவர்களுக்கு தனி ஒதுக்கீடும் வழங்கப்படும். இதுகுறித்த முழு விவரமும் விரைவில் அதிகாரபூர்வமாக அறிவிக்கப்படும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Sunday, 25 June 2017

ஒரு லட்சம் ஆடிட்டர்களுக்கு வேலைவாய்ப்பு பட்டயக் கணக்காளர் சங்க முன்னாள் தேசிய தலைவர் தகவல்

ஒரு லட்சம் ஆடிட்டர்களுக்கு வேலைவாய்ப்பு பட்டயக் கணக்காளர் சங்க முன்னாள் தேசிய தலைவர் தகவல் | இந்தியாவில் சுமார் ஒரு லட்சம் ஆடிட்டர்களுக்கு வேலைவாய்ப்பு காத்திருப்பதாக இந்திய பட்டயக் கணக்காளர் சங்க முன்னாள் தேசிய தலைவர் ஜி.ராமசாமி கூறினார். கோவையில் செய்தியாளர் களிடம் அவர் நேற்று கூறியதாவது: இந்திய பட்டயக் கணக்காளர்கள் சங்கத்தின் 68-ம் ஆண்டு விழா வரும் ஜூலை 1-ம் தேதி டெல்லியில் நடைபெறுகிறது. பிரதமர் மோடி சிறப்பு விருந்தினராகப் பங்கேற்று, சி.ஏ. படிப்புக்கான புதிய கல்வித் திட்டத்தை வெளியிடுகிறார். மேலும், ஜி.எஸ்.டி. வரி விதிப்பு முறையையும் அமல்படுத்துகிறார். கல்வி, வருமான வரி, கணக்குப் பதிவியல், தணிக்கைத் துறை என பல்வேறு துறைகளிலும் பங்கு வகிக்கும் பட்டயக் கணக்காளர்கள் சங்கம், தேசிய வளர்ச்சியில் பெரும் பங்காற்றியுள்ளது. ஜி.எஸ்.டி. வரி விதிப்பு இந்தியாவில்தான் அதிகம் என்பதை ஏற்க முடியாது. பல நாடுகளில் கூடுதல் வரி வசூலிக்கப்படுகிறது. வணிகத்தில் வெளிப்படைத் தன்மையை உருவாக்கி, அனைத்து வணிகர் களையும் கணக்குகளை தாக்கல் செய்யவைப்பதே இதன் நோக்கம். சரியான கணக்குகளை பதிவு செய்யும் வணிகர்களுக்கு இந்த முறை மிகவும் பயனுள்ளதாக இருக்கும். விலைவாசியிலும் பெரிய அளவுக்கு மாற்றம் இருக்காது. ஜி.எஸ்.டி. வரி விதிப்பு தொடர்பாக இந்திய பட்டயக் கணக்கர் சங்கம் நாடு முழுவதும் விழிப்புணர்வு முகாம்களை நடத்தி வருவதுடன், அனைத்துக் கிளைகளிலும் உதவி மையங்களை உருவாக்கியுள்ளது. ஜி.எஸ்.டி. வரி விதிப்பு நாட்டின் பொருளாதார வளர்ச்சிக்கு நிச்சயம் உதவும். தற்போது நாடு முழுவதும் சுமார் 2.5 லட்சம் ஆடிட்டர்கள் உள்ளனர். இன்னும் ஒரு லட்சம் ஆடிட்டர்களுக்கு வேலைவாய்ப்பு காத்திருக்கிறது. சி.ஏ. பாடங்களில் தற்போதைய தேவைக்கேற்ற மாறு தல்களைக் கொண்டுவந்துள் ளோம். சர்வதேச அளவில் கணக்கு களை சரிபார்க்கும் அளவுக்கு இந்திய ஆடிட்டர்களைத் தயார் செய்து வருகிறோம் என்றார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

அரசு, தனியார் கல்லூரிகளின் எம்பிபிஎஸ், பிடிஎஸ் இடங்களுக்கான கலந்தாய்வை தமிழக அரசே நடத்தும் சுகாதாரத் துறை அமைச்சர், செயலாளர் தகவல்

அரசு, தனியார் கல்லூரிகளின் எம்பிபிஎஸ், பிடிஎஸ் இடங்களுக்கான கலந்தாய்வை தமிழக அரசே நடத்தும் சுகாதாரத் துறை அமைச்சர், செயலாளர் தகவல் | அரசு மற்றும் தனியார் கல்லூரிகளின் எம்பிபிஎஸ், பிடிஎஸ் இடங்களுக்கான கலந்தாய்வை அரசே நடத்தும் என்று சுகாதாரத் துறை அமைச்சர் சி.விஜய பாஸ்கர், செயலாளர் ஜெ.ராதா கிருஷ்ணன் ஆகியோர் தெரிவித்தனர். இதுதொடர்பாக தலைமைச் செயல கத்தில் அவர்கள் செய்தியாளர்களிடம் கூறியதாவது: தமிழகத்தில் எம்பிபிஎஸ், பிடிஎஸ் படிப்புகளுக்கு 2017-18-ம் ஆண்டுக்கான மாணவர் சேர்க்கை கலந்தாய்வு நீட் தேர்வு அடிப்படையில் நடைபெற உள்ளது. மாநில பாடத்திட்டத்தில் படித்த மாணவர்களுக்கு 85 சதவீதமும், சிபிஎஸ்இ உள்ளிட்ட பாடத் திட்டங்களில் படித்த மாணவர்களுக்கு 15 சதவீதமும் இடஒதுக்கீடு வழங்கி அரசாணை வெளியிடப்பட்டுள்ளது. தமிழகத்தில் 23 அரசு மருத்துவக் கல்லூரிகளில் உள்ள 3,050 எம்பிபிஎஸ் இடங்களில் அகில இந்திய ஒதுக் கீட்டுக்கு 456 இடங்கள் (15 சதவீதம்) போக, மீதமுள்ள 2,594 இடங்கள் மாநில அரசுக்கு உள்ளன. இதில் மாநில பாடத்திட்டத்தில் படித்த மாணவர் களுக்கு 2,203 இடங்கள் (85 சதவீதம்), மத்திய பாடத்திட்டங்களில் படித்த மாணவர்களுக்கு 391 இடங்கள் (15 சதவீதம்) ஒதுக்கப்படுகின்றன. 10 தனியார் மருத்துவக் கல்லூரிகளில் இருந்து மாநில அரசுக்கு 783 எம்பிபிஎஸ் இடங்கள் ஒதுக்கப்படுகின்றன. இதில் மாநில பாடத்திட்டத்தில் படித்த மாணவர் களுக்கு 664 இடங்கள் (85 சதவீதம்), மத்திய பாடத்திட்டங்களில் படித்த மாணவர்களுக்கு 119 இடங்கள் (15 சதவீதம்) ஒதுக்கப்படுகின்றன. தமிழ்நாடு அரசு பல் மருத்துவக் கல்லூரி, ராஜா முத்தையா கல்லூரியில் உள்ள 200 இடங்களில் அகில இந்திய ஒதுக்கீட்டுக்கு 30 இடங்கள் (15 சதவீதம்) போக, மீதம் 170 இடங்கள் மாநில அரசுக்கு உள்ளன. இதில் மாநில பாடத்திட்டத்தில் படித்த மாணவர்களுக்கு 144 இடங்கள் (85 சதவீதம்), மத்திய பாடத்திட்டங்களில் படித்த மாணவர்களுக்கு 26 இடங்கள் (15 சதவீதம்) ஒதுக்கப்படுகின்றன. 18 தனியார் பல் மருத்துவக் கல்லூரிகளில் இருந்து மாநில அரசுக்கு 1,020 பிடிஎஸ் இடங்கள் ஒதுக்கப்படுகின்றன. இதில் மாநில பாடத்திட்டத்தில் படித்த மாணவர் களுக்கு 867 இடங்கள் (85 சதவீதம்), மத்திய பாடத்திட்டங்களில் படித்த மாண வர்களுக்கு 153 இடங்கள் (15 சதவீதம்) ஒதுக்கப்படுகின்றன. அரசு மருத்துவக் கல்லூரிகளின் இடங்கள், தனியார் மருத்துவக் கல்லூரி களின் அரசு ஒதுக்கீட்டு மற்றும் நிர்வாக ஒதுக்கீட்டு எம்பிபிஎஸ், பிடிஎஸ் இடங் களுக்கு தமிழக அரசே கலந்தாய்வு மூலம் மாணவர் சேர்க்கை நடத்தும். 6 நிகர்நிலைப் பல்கலைக்கழகங்களில் உள்ள 1,200 எம்பிபிஎஸ், பிடிஎஸ் இடங் களுக்கு மத்திய அரசின் பொது சுகாதார சேவை இயக்ககம் (டிஜிஎஸ்எஸ்) கலந் தாய்வு நடத்தும். தமிழகத்தில் எம்பிபிஎஸ், பிடிஎஸ் படிப்புகளுக்கான விண்ணப்ப விநி யோகம் அனைத்து அரசு மருத்துவக் கல்லூரிகளிலும் வரும் 27-ம் தேதி தொடங்கி ஜூலை 7-ம் தேதி வரை நடை பெறும். பூர்த்தி செய்யப்பட்ட விண்ணப் பங்களை சமர்ப்பிக்க ஜூலை 8-ம் தேதி கடைசி நாள். தரவரிசைப் பட்டியல் ஜூலை 14-ம் தேதி வெளி யிடப்படும். கலந் தாய்வு ஜூலை 17-ம் தேதி தொடங்கும்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

30 ஆயிரம் அங்கன்வாடி பணியாளர்கள் விரைவில் நியமனம் சட்டசபையில் அமைச்சர் சரோஜா தகவல்

30 ஆயிரம் அங்கன்வாடி பணியாளர்கள் விரைவில் நியமனம் சட்டசபையில் அமைச்சர் சரோஜா தகவல் | 30 ஆயிரம் அங்கன்வாடி பணியாளர்கள் விரைவில் நியமனம் செய்யப்படுவார்கள் என்று சட்டசபையில் அமைச்சர் சரோஜா கூறினார். தமிழக சட்டசபையில் நேற்று நடைபெற்ற சமூக நலம் மற்றும் சத்துணவு திட்டம், மாற்றுத்திறனாளிகள் நலத்துறை மீதான மானியக் கோரிக்கை விவாதம் நடைபெற்றது. 30 ஆயிரம் அங்கன்வாடி பணியாளர்கள் அதனைத் தொடர்ந்து, அமைச்சர் வி.சரோஜா பதில் அளித்து பேசினார். அப்போது அவர் கூறியதாவது:- பதிவு செய்த மாற்றுத்திறனாளிகளுக்கு அனைத்து திட்டங்களும் முறையாக செயல்படுத்தப்படுகிறது. சத்துணவு பணியாளர்கள் நியமனத்தில் விதவைகளுக்கு முக்கியத்துவம் கொடுக்க நடவடிக்கை எடுக்கப்படும். தாலிக்கு தங்கம், திருமண உதவி தொகையை பெற ஆன்-லைன் மூலம் விண்ணப்பிக்கும் முறை உள்ளது. இதற்காக, பஞ்சாயத்துகளில் டேட்டா என்டரி ஆப்பரேட்டர் நியமிக்கப்படுவார்கள். அங்கன்வாடி மையங்களில் 30 ஆயிரம் பணியிடங்கள் காலியாக உள்ளன. இது தொடர்பாக கோர்ட்டில் நிலுவையில் இருந்த வழக்கு தற்போது அரசுக்கு சாதகமாக முடிந்துள்ளது. எனவே, விரைவில் 30 ஆயிரம் அங்கன்வாடி பணியாளர்கள் நியமிக்கப்படுவார்கள். இவ்வாறு அவர் கூறினார். சபாநாயகர் பாராட்டு மானியக் கோரிக்கை விவாதத்தில் பங்கேற்று தி.மு.க. உறுப்பினர்கள் பேசும்போது, தினமும் 45 நிமிடங்கள் முதல் ஒரு மணி நேரம் வரை விவாதம் நடைபெறும். அந்த அளவுக்கு காரசாரமாக விவாதம் இருக்கும். ஆனால், நேற்று பேசிய தி.மு.க. உறுப்பினர் கீதா ஜீவன் தனது பேச்சை 14 நிமிடங்களில் முடித்துவிட்டார். இடையில் அமைச்சர்கள் யாரும் குறுக்கிட்டு பேசவில்லை. அவர் பேசி முடித்த பிறகே அமைச்சர் வி.சரோஜா பதில் அளித்தார். விரைவாக பேசி முடித்த தி.மு.க. உறுப்பினர் கீதா ஜீவனுக்கு சபாநாயகர் ப.தனபால் பாராட்டு தெரிவித்தார். அவர் பேசும்போது, "அனைத்து உறுப்பினர்களும் கீதா ஜீவனின் பேச்சை பின்பற்றி விரைந்து முடிக்க வேண்டும்" என்றார். இதனால், அவையில் சிரிப்பலை எழுந்தது.
விரிவாக படிக்க இங்கே கிளிக் செய்யுங்கள் | READ MORE | CLICK HERE

நீட் தேர்வு முடிவு அடிப்படையில் மருத்துவ மாணவர் சேர்க்கை | மாநில பாட திட்டத்தில் படித்தவர்களுக்கு 85 சதவீத இடங்கள் ஒதுக்கீடு தமிழக அரசு அறிவிப்பு

நீட் தேர்வு முடிவு அடிப்படையில் மருத்துவ மாணவர் சேர்க்கை | மாநில பாட திட்டத்தில் படித்தவர்களுக்கு 85 சதவீத இடங்கள் ஒதுக்கீடு தமிழக அரசு அறிவிப்பு | தமிழகத்தில் மருத்துவ படிப்புக்கான மாணவர்கள் சேர்க்கை 'நீட்' தேர்வு முடிவின் அடிப்படையில் நடைபெறும் என்றும், மாநில பாட திட்டத்தில் படித்தவர்களுக்கு 85 சதவீத இடங்கள் ஒதுக்கப்படும் என்றும் அரசு அறிவித்து உள்ளது  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 24 June 2017

மருத்துவ படிப்புக்கான விண்ணப்பம் 27-ந் தேதி முதல் வினியோகம் கலந்தாய்வு ஜூலை 17-ந் தேதி தொடங்குகிறது

மருத்துவ படிப்புக்கான விண்ணப்பம் 27-ந் தேதி முதல் வினியோகம் கலந்தாய்வு ஜூலை 17-ந் தேதி தொடங்குகிறது | எம்.பி.பி.எஸ் மற்றும் பி.டி.எஸ். படிப்புகளுக்கான விண்ணப்பம் 27-ந் தேதி முதல் வினியோகிக்கப்படும் என்றும், கலந்தாய்வு ஜூலை 17-ந் தேதி தொடங்கும் என்றும் சுகாதாரத்துறை உயர் அதிகாரி தெரிவித்தார். இந்தியா முழுவதும் இந்த ஆண்டு முதல் நீட் தேர்வு அடிப்படையில் தான் மருத்துவ கலந்தாய்வு நடைபெற வேண்டும் என்று மத்திய அரசு அறிவித்தது. தமிழகத்திற்கு விலக்கு அளிக்கக்கோரி சட்டசபையில் மசோதா நிறைவேற்றியும் மத்திய அரசு ஏற்கவில்லை. தமிழகத்தில் மாநில பாடத்திட்டத்தில் படித்தவர்களே அதிகமானோர் நீட் தேர்வை எழுதினர். இதனால் நேற்று வெளியான நீட் தேர்வு முடிவில் பெரும்பாலான மாணவர்கள் தேவையான பயிற்சி பெற்ற பின்னரும் குறைவான மதிப்பெண்களே பெறமுடிந்தது. தமிழகத்தில் உள்ள அரசு, அரசு உதவிபெறும் மற்றும் சுயநிதி மருத்துவ கல்லூரிகளில் சுமார் 5,300 எம்.பி.பி.எஸ். இடங்கள் உள்ளன. இந்த இடங்களுக்கு அகில இந்திய மருத்துவ கவுன்சில் அனுமதி அளித்தால் தான் மாணவர்களை சேர்க்க முடியும். இந்த வருடம் நிகர்நிலை மருத்துவ பல்கலைக்கழகங்கள் உள்பட அனைத்து மருத்துவ கல்லூரிகளிலும் நீட் தேர்வு மதிப்பெண் அடிப்படையில் தான் மாணவர்களை சேர்க்க வேண்டும். இதுதொடர்பாக தலைமைச் செயலகத்தில் சுகாதாரத்துறை அதிகாரிகள் ஆலோசனை நடத்தினார்கள். சுகாதாரத்துறை உயர் அதிகாரி ஒருவர் கூறுகையில் 'வருகிற 27-ந் தேதி முதல் விண்ணப்பங்கள் வினியோகம் செய்யப்படும். ஜூலை 17-ந் தேதி முதல் கலந்தாய்வு தொடங்கும். மாநில திட்ட கல்வியில் படித்த மாணவர்களுக்கு தனி ஒதுக்கீடும், சி.பி.எஸ்.இ., ஐ.சி.எஸ்.சி., உள்ளிட்ட வாரிய கல்விமுறையில் படித்தவர்களுக்கு தனி ஒதுக்கீடும் வழங்கப்படும். இதுகுறித்த முழு விவரமும் விரைவில் அதிகாரபூர்வமாக அறிவிக்கப்படும்' என்றார்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 23 June 2017

NEET 2017 RESULT | நீட் தேர்வு முடிவுகள் நாடு முழுவதும் இன்று (23.06.2017) வெளியிடப்பட்டன.

நீட் தேர்வு முடிவுகள் நாடு முழுவதும் வெளியீடு! | கடந்த மே 7-ம் தேதி நாடு முழுவதும் நீட் தேர்வுகள் நடைபெற்றன. இந்நிலையில், நீட் தேர்வு முடிவுகள் நாடு முழுவதும் இன்று (23.06.2017) வெளியிடப்பட்டன. தேர்வு முடிவுகள் சிபிஎஸ்சி இணையதளத்தில் வெளியிடப்பட்டுள்ளன. தேர்வுக்கான முடிவுகளை cbseresults.nic.in என்ற தளத்தில் மாணவர்கள் அறியலாம். இந்திய அளவில் முதலிடம் 697/720 விரைவில் வெளியாகிறது தமிழக மாணவர்கள் ரேங்கிங் பட்டியல் ஒரு வாரத்தில் விண்ணப்பம். மருத்துவ படிப்புகளுக்கான விண்ணப்பங்கள் ஒரு வாரத்தில் வழங்கப்படும்த என தமிழக சுகாதார துறை அறிவித்துள்ளது. அகில இந்திய அளவில் மருத்துவ படிப்புககளுக்கான கலந்தாய்வு தொடங்கிய பின்பே தமிழகத்தில் கலந்தாய்வு தொடங்கும் எனவும் அறிவிக்கப்பட்டுள்ளது. 11 லட்சம் பேர் எழுதிய மருத்துவ படிப்பு மாணவர் சேர்க்கைக்கான ‘நீட்’ தேர்வு முடிவை சி.பி.எஸ்.இ. நேற்று இணையதளத்தில் வெளியிட்டது. முதல் 25 இடங்களில் தமிழக மாணவர்கள் யாரும் வரவில்லை. இந்தியா முழுவதும் இந்த ஆண்டு முதல் எம்.பி.பி.எஸ். மற்றும் பி.டி.எஸ். படிப்புகளுக்கு ‘நீட்’ என்ற தேசிய தகுதி நுழைவுத்தேர்வை நடத்த மத்திய கல்வி வாரியம் (சி.பி.எஸ்.இ.) முடிவு செய்தது. இதற்கு தமிழக அரசு எதிர்ப்பு தெரிவித்து விலக்கு கோரியது. ஆனால் தமிழக அரசின் கோரிக்கை ஏற்கப்படவில்லை. நீட் தேர்வுக்கு 11 லட்சத்து 38 ஆயிரத்து 890 பேர் விண்ணப்பித்து இருந்தனர். கடந்த மாதம் 7-ந்தேதி நடைபெற்ற இந்த தேர்வில் 10 லட்சத்து 90 ஆயிரத்து 85 பேர் எழுதினார்கள். தமிழகத்தில் சுமார் 85 ஆயிரம் பேர் எழுதினார்கள். தேர்வு ஆங்கிலம், இந்தி, தமிழ், தெலுங்கு உள்ளிட்ட 10 மொழிகளில் நடத்தப்பட்டது. இதற்கிடையே நீட் தேர்வில் கேள்விகள் பாரபட்சமாக இருந்ததாக கூறி மதுரை ஐகோர்ட்டில் வழக்கு தொடரப்பட்டது. இந்த வழக்கில் மதுரை ஐகோர்ட்டு நீட் தேர்வு முடிவை வெளியிட இடைக்கால தடை விதித்தது. இதனால் தேர்வு முடிவு வெளியாவதில் தாமதம் ஏற்பட்டு மாணவர்கள் மத்தியில் குழப்பம் ஏற்பட்டது. எனவே இதை எதிர்த்து சி.பி.எஸ்.இ. சுப்ரீம் கோர்ட்டில் மேல்முறையீடு செய்தது. மதுரை ஐகோர்ட்டு உத்தரவை ரத்துசெய்ததுடன், ஜூன் 26-ந்தேதிக்குள் நீட் தேர்வு முடிவை வெளியிட சுப்ரீம் கோர்ட்டு உத்தரவிட்டது. இந்த நிலையில் நேற்று காலை நீட் தேர்வு முடிவு www.cbseneet.nic.in, www.cbse.nic.in , www.cbseresults.nic.in ஆகிய இணையதளங்களில் வெளியிடப்பட்டது. முடிவை மாணவர்கள் ஆர்வத்துடன் பார்த்தனர். முதல் 25 இடங்களை பிடித்தவர்களின் பெயர், மதிப்பெண் உள்ளிட்ட விவரங்களை சி.பி.எஸ்.இ. வெளியிட்டுள்ளது. இந்திய அளவில் பஞ்சாப் மாநிலத்தை சேர்ந்த மாணவர் நவ்தீப் சிங் முதலிடம் பெற்றார். அவர் 720 மதிப்பெண்களுக்கு 697 மதிப்பெண் பெற்றார். மத்தியபிரதேசத்தை சேர்ந்த ஆர்சித் குப்தா, மணிஷ் மூல்சந்தானி ஆகியோர் தலா 695 மதிப்பெண்கள் பெற்று 2-வது, 3-வது இடங்களை பெற்றனர். முதல் 7 இடங்களை மாணவர்களே பெற்றுள்ளனர். முதல் 25 இடங்களில் 16 மாணவர்களும், 9 மாணவிகளும் உள்ளனர். முதல் 25 இடங்களில் தமிழகத்தை சேர்ந்த மாணவர்கள் யாரும் வரவில்லை என்பது குறிப்பிடத்தக்கது. தேர்வு எழுதியவர்களில் 6 லட்சத்து 11 ஆயிரத்து 539 பேர் தேர்ச்சி பெற்றுள்ளனர். இவர்களில் 2 லட்சத்து 66 ஆயிரத்து 221 பேர் ஆண்கள், 3 லட்சத்து 45 ஆயிரத்து 313 பேர் பெண்கள். திருநங்கைகள் 5 பேர். திருநங்கைகள் 8 பேர் தேர்வு எழுதியதில் 5 பேர் தேர்வு பெற்றுள்ளது குறிப்பிடத்தக்கது. நீட் தேர்வை ஆங்கிலத்தில் தான் அதிகமான மாணவர்கள் எழுதியுள்ளனர். ஆங்கிலத்தில் 9 லட்சத்து 13 ஆயிரத்து 33 பேரும், 2-வதாக இந்தியில் ஒரு லட்சத்து 20 ஆயிரத்து 663 பேரும் எழுதினார்கள். இந்தியா முழுவதும் அரசு மற்றும் தனியார் கல்லூரிகளில் 65,170 எம்.பி.பி.எஸ்., 25,730 பி.டி.எஸ். இடங்கள் உள்ளன. இதில் 15 சதவீதம் அகில இந்திய கவுன்சிலிங் மூலமும், மீதி 85 சதவீத இடங்கள் மாநில கவுன்சிலிங் மூலம் நிரப்பப்படும். நீட் தேர்வு முடிவு வெளியானதை தொடர்ந்து மருத்துவ கவுன்சிலிங் எப்போது தொடங்கும் என்ற எதிர்பார்ப்பு எழுந்துள்ளது.மாநில கவுன்சிலிங் எப்போது நடத்துவது என்பது குறித்து அந்தந்த மாநிலங்களே முடிவு செய்துகொள்ளலாம் என்றும் அறிவிக்கப்பட்டுள்ளது. DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

பி.எட் படிப்புக்கு விண்ணப்பங்கள் விநியோகம் 30-ம் தேதி கடைசி நாள்

பி.எட் படிப்புக்கு விண்ணப்பங்கள் விநியோகம் 30-ம் தேதி கடைசி நாள் | தமிழகத்தில் உள்ள 7 அரசு கல்வியியல் கல்லூரிகளிலும், 14 அரசு உதவி பெறும் கல்வி யியல் கல்லூரிகளிலும் உள்ள பிஎட் இடங்களில் 1,777 இடங்கள் ஒற்றைச்சாளர முறையில் பொது கலந்தாய்வு மூலம் நிரப்பப் படுகின்றன. இதில் சேருவதற்கான விண்ணப்ப படிவங்கள் கடந்த 21-ம் தேதி முதல் வழங்கப்பட்டு வருகின்றன. சென்னையில் லெடி வெலிங் டன் கல்வியியல் மேம்பாட்டு நிறுவனம், சைதாப்பேட்டை கல்வி யியல் மேம்பாட்டு நிறுவனம் உட்பட 13 கல்வியியல் கல்லூரி களில் வரும் 30-ம் தேதி வரை (சனி, ஞாயிறு உட்பட) விண்ணப் பங்களைப் பெற்றுக்கொள்ளலாம். விண்ணப்பத்தின் விலை ரூ.500. எஸ்சி, எஸ்டி வகுப்பினருக்கு ரூ.250 மட்டும். அவர்கள் சாதி சான்றிதழ் நகலை சுயசான்றொப்பமிட்டு இந்த சலுகை கட்டணத்தில் விண் ணப்பங்களைப் பெறலாம். பூர்த்தி செய்யப்பட்ட விண் ணப்பங்களை தேவையான ஆவணங்களுடன் ஜூலை 3-ம் தேதிக்குள் 'செயலர், தமிழ்நாடு பிஎட் மாணவர் சேர்க்கை-2017, லேடி வெலிங்டன் கல்வியியல் மேம்பாட்டு நிறுவனம், காமராஜர் சாலை, திருவல்லிக்கேணி, சென்னை 600 005' என்ற முக வரிக்கு அனுப்ப வேண்டும். கல் வித்தகுதி, தேர்வுமுறை, வெயிட் டேஜ் மதிப்பெண் உள்ளிட்ட இதர விவரங்களை www.ladywillingdoniase.com என்ற இணையதளத்தில் விரிவாக தெரிந்துகொள்ளலாம்.

விரிவாக படிக்க இங்கே கிளிக் செய்யுங்கள் | READ MORE | CLICK HERE

பாடத்திட்டம் தயாரிக்க ஆர்வம் உள்ள ஆசிரியர்கள் இணையதளத்தில் விண்ணப்பிக்கும் தேதி ஜூலை 2-ந் தேதி வரை நீட்டிக்கப்பட்டுள்ளது என்று பள்ளிக்கல்வித்துறை அறிவித்துள்ளது.

காலஅவகாசம் நீட்டிப்பு: பாடத்திட்டம் தயாரிக்க ஆர்வம் உள்ள ஆசிரியர்கள் இணையதளத்தில் விண்ணப்பிக்கலாம் பள்ளிக்கல்வித்துறை அறிவிப்பு | பாடத்திட்டம் தயாரிக்க ஆர்வம் உள்ள ஆசிரியர்கள் இணையதளத்தில் விண்ணப்பிக்கும் தேதி ஜூலை 2-ந் தேதி வரை நீட்டிக்கப்பட்டுள்ளது என்று பள்ளிக்கல்வித்துறை அறிவித்துள்ளது. இது குறித்து பள்ளிக்கல்வித்துறையை சார்ந்த மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் க.அறிவொளி வெளியிட்டுள்ள அறிக்கையில் கூறியிருப்பதாவது:- 1-ம் வகுப்பு முதல் 12-ம் வகுப்பு வரையில், பள்ளிக் கல்விப் பாடத்திட்டத்தை மாற்றியமைக்கும் பொருட்டும், 11-வது வகுப்புக்கு பொதுத்தேர்வு நடத்துதல் சார்ந்தும் தமிழக அரசால் அரசாணைகள் வெளியிடப்பட்டுள்ளன. இதனைத் தொடர்ந்து, மாநிலக் கல்வியியல் ஆராய்ச்சி மற்றும் பயிற்சி நிறுவனம் கலைத்திட்டம், பாடத்திட்டம் மற்றும் பாடப்புத்தகங்களைத் தயாரித்து வடிவமைக்கும் பணிகளை மேற்கொள்ள இருக்கின்றது. இப்பணிகளை அனுபவமிக்க கல்வியாளர்கள், திறமையான பேராசிரியர்கள் மற்றும் ஆசிரியர்களைக் கொண்டு செயல்படுத்தத் திட்டமிடப்பட்டுள்ளது. இப்பணியில் பங்குபெற ஆர்வம் தெரிவிக்கும் பேராசிரியர்கள் மற்றும் ஆசிரியர்கள் இந்நிறுவனத்தின் இணையதளத்தில் ( www.tnscert.org) விவரங்களை 23-ந் தேதி (இன்று) மாலை 5 மணிக்குள் பதிவு செய்யுமாறு கேட்டுக்கொள்ளப்பட்டிருந்தது. தற்போது இப்பணிக்காக பதிவு செய்வதற்கான காலம் ஜூலை 2-ந் தேதி (ஞாயிறுக்கிழமை) வரை நீட்டிக்கப்பட்டுள்ளது. பதிவு செய்ய விரும்பும் ஆர்வலர்கள், இந்தியாவில் பல்வேறு காலகட்டங்களில் வெளிவந்த, பள்ளிக் கல்வித்துறை பாடத்திட்டச் சீரமைப்பு அறிக்கைகள் (கோத்தாரி குழுவின் அறிக்கை, தேசியக் கலைத்திட்ட வரைவு 2005 மற்றும் புதிய கல்விக்கொள்கை (வரைவு) 2017-18), ஆகியவற்றில் கருத்துச் செறிவு பெற்றிருத்தல் நலம். ஆர்வமுள்ள பேராசிரியர்கள் மற்றும் ஆசிரியர்கள் இப்பணியில் கலந்துகொள்ள விண்ணப்பிக்கலாம் எனத் தகவல் தெரிவிக்கப்படுகிறது. இவ்வாறு மாநிலக் கல்வியியல் ஆராய்ச்சி மற்றும் பயிற்சி நிறுவன இயக்குனர் க.அறிவொளி தெரிவித்துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

கால்நடை மருத்துவ படிப்பு தரவரிசை பட்டியல் 30-ந்தேதி வெளியீடு

கலந்தாய்வு ஜூலை 19-ந்தேதி தொடங்குகிறது கால்நடை மருத்துவ படிப்பு தரவரிசை பட்டியல் 30-ந்தேதி வெளியீடு துணைவேந்தர் பேட்டி | கால்நடை மருத்துவ படிப்பு தரவரிசை பட்டியல் வருகிற 30-ந்தேதி வெளியிடப்படும் என்றும், கலந்தாய்வு ஜூலை 19-ந்தேதி தொடங்குவதாகவும் துணைவேந்தர் திலகர் கூறினார். நாமக்கல்லில் தமிழ்நாடு கால்நடை மருத்துவ அறிவியல் பல்கலைக்கழக துணைவேந்தர் திலகர் நிருபர்களுக்கு பேட்டி அளித்தார். அப்போது அவர் கூறியதாவது:- தமிழ்நாடு கால்நடை மருத்துவ அறிவியல் பல்கலைக்கழகத்தில் கால்நடை மருத்துவம் குறித்த பட்டப்படிப்பு மற்றும் 3 தொழில்நுட்ப பட்டப்படிப்புகள் என மொத்தம் 4 இளநிலை பட்டப்படிப்புகள் உள்ளன. கால்நடை மருத்துவ படிப்பிற்கு இந்த ஆண்டு 23 ஆயிரம் பேர் ஆன்-லைனில் விண்ணப்பித்து உள்ளனர். தற்போது விண்ணப்பங்களை சரிபார்க்கும் பணி நடைபெற்று வருகிறது, வருகிற 30-ந்தேதி மாணவர் சேர்க்கைக்கான தரவரிசை பட்டியல் வெளியிடப்பட உள்ளது. கலந்தாய்வு வருகிற (ஜூலை) 19-ந்தேதி தொடங்கி 20, 21 ஆகிய தேதிகளில் நடைபெறும். மொத்தம் 380 மாணவர்கள் சேர்க்கப்படுவர். கடந்த ஆண்டை காட்டிலும், இந்த ஆண்டில் விண்ணப்பித்து உள்ளவர்களின் எண்ணிக்கை அதிகரித்து உள்ளது. இந்த ஆண்டு புதிய படிப்பு எதுவும் இல்லை. அதேபோல புதிய கல்லூரிக்கும் வாய்ப்பு இல்லை. தனியார் கல்லூரிக்கு அனுமதி அளிக்கும் திட்டமும் இல்லை. கால்நடைகளுக்கு அவசர சிகிச்சை ஆம்புலன்ஸ் மூலம் விவசாயிகளின் இருப்பிடத்திற்கே சென்று சிகிச்சை அளிக்கப்பட்டு வருகிறது. முடியாத நிலையில் கால்நடை மருத்துவமனைக்கு கொண்டு வரப்பட்டு சிகிச்சை அளிக்கப்பட்டு வருகிறது. இவ்வாறு அவர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

என்ஜினீயரிங் ரேங்க் பட்டியல் வெளியீடு. மருத்துவ கலந்தாய்வு குறித்து இன்னும் முடிவு செய்யப்படாததால், என்ஜினீயரிங் கலந்தாய்வு தள்ளிவைக்கப்பட்டு உள்ளது.

என்ஜினீயரிங் ரேங்க் பட்டியல் வெளியீடு கலந்தாய்வு தள்ளிவைப்பு | என்ஜினீயரிங் படிப்புக்கு ரேங்க் பட்டியல் வெளியிடப்பட்டது. மருத்துவ கலந்தாய்வு குறித்து இன்னும் முடிவு செய்யப்படாததால், என்ஜினீயரிங் கலந்தாய்வு தள்ளிவைக்கப்பட்டு உள்ளது. ரேங்க் பட்டியல் தமிழகத்தில் அரசு, அரசு உதவி மற்றும் சுயநிதி என்ஜினீயரிங் கல்லூரிகள் 584 உள்ளன. இந்த கல்லூரிகளில் அரசு ஒதுக்கீட்டில் என்ஜினீயரிங் மாணவர் சேர்க்கைக்கான கலந்தாய்வை அண்ணா பல்கலைக்கழகம் நடத்த உள்ளது. என்ஜினீயரிங் படிப்புக்கு 1 லட்சத்து 41 ஆயிரத்து 77 பேர் விண்ணப்பித்தனர். இதில் 1 லட்சத்து 36 ஆயிரத்து 988 பேர் மட்டுமே தகுதி பெற்றனர். அவர்களில் ஆண்கள் 85 ஆயிரத்து 950. பெண்கள் 51 ஆயிரத்து 38 ஆகும். விண்ணப்பித்தவர்களில் முன்னாள் ராணுவத்தினரின் குழந்தைகள் 1,146 பேரும், மாற்றுத்திறனாளிகள் 227 பேரும், விளையாட்டு மாணவர்கள் 2,082 பேரும் உள்ளடங்குவர். 70 ஆயிரத்து 769 பேர் முதல் தலைமுறை பட்டதாரிகள். கடந்த 20-ந்தேதி 'ரேண்டம்' எண் வெளியிடப்பட்டது. ரேங்க் (தரவரிசை) பட்டியலை உயர்கல்வித்துறை அமைச்சர் கே.பி.அன்பழகன் நேற்று வெளியிட்டார். அப்போது அவர் கூறியதாவது:- கலந்தாய்வு தள்ளிவைப்பு என்ஜினீயரிங் விண்ணப்பங்கள் கடந்த ஆண்டை விட இந்த ஆண்டு அதிகமாக வந்துள்ளன. அரசு கல்லூரிகளில் வேலைவாய்ப்பு முகாம் நடத்தப்படுகிறது. என்ஜினீயரிங் கலந்தாய்வு 27-ந்தேதி தொடங்குவதாக இருந்தது. மருத்துவ கலந்தாய்வு தொடங்குவது குறித்து தமிழக அரசு முடிவு எடுத்து அறிவித்த பின்னர், என்ஜினீயரிங் கலந்தாய்வு நடைபெறும். தரவரிசை பட்டியலில் 200-க்கு 200 மதிப்பெண் எடுத்து 59 பேர் உள்ளனர். அவர்களில் 36 பேர் 'நீட்' தேர்வு முடிவை எதிர்பார்த்து உள்ளனர். அவர்கள் மருத்துவ கலந்தாய்வுக்கு செல்ல வாய்ப்பு உள்ளது. எனவே என்ஜினீயரிங் கலந்தாய்வு தள்ளி வைக்கப்பட்டு உள்ளது. 199 கட்-ஆப் மதிப்பெண்ணில் 811 பேர் உள்ளனர். அவர்களில் 645 பேர் மருத்துவ படிப்புக்கு செல்ல வாய்ப்பு உள்ளது. 198 கட்-ஆப் மதிப்பெண்ணில் 2,097 பேர் உள்ளனர், அதில் 1,681 பேர் மருத்துவம் செல்ல வாய்ப்பு உள்ளது. 197 கட்-ஆப் மதிப்பெண்ணில் 3,766 பேர் உள்ளனர். இவர்களில் 3,016 பேர் மருத்துவ படிப்புக்கு செல்ல வாய்ப்பு உள்ளது. எனவே மருத்துவ கலந்தாய்வுக்கு முன்பாக என்ஜினீயரிங் கலந்தாய்வு நடத்தினால் என்ஜினீயரிங் தேர்வு செய்த பலர் மருத்துவ படிப்புக்கு செல்ல வாய்ப்பு உள்ளது. இதனால் என்ஜினீயரிங் இடங்கள் காலியாக இருக்கும். அதை கருத்தில் கொண்டு என்ஜினீயரிங் கலந்தாய்வு பின்னர் அறிவிக்கப்படும். இவ்வாறு அவர் கூறினார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

எஸ்.எஸ்.எல்.சி. மறுகூட்டல் முடிவு இன்று (23.06.2017) வெளியீடு

எஸ்.எஸ்.எல்.சி. மறுகூட்டல் முடிவு இன்று (23.06.2017) வெளியீடு | கடந்த மார்ச் மாதம் எஸ்.எஸ்.எல்.சி. தேர்வு நடைபெற்று பின்னர் தேர்வு முடிவு வெளியிடப்பட்டது. தேர்வில் அதிக மதிப்பெண் வரும் என்று எதிர்பார்த்தவர்கள் பலர் மறுகூட்டலுக்கு விண்ணப்பித்தனர். அவ்வாறு விண்ணப்பித்தவர்களுக்கு மறுகூட்டல் முடிவு இன்று (வெள்ளிக்கிழமை) மாலை 5 மணிக்கு இணையதளத்தில் ( www.dge.tn.gov.in ) வெளியிடப்படுகிறது. மதிப்பெண் மாற்றம் உள்ளவர்கள் தற்காலிக சான்றிதழ்களை www.dge.tn.nic.in என்ற இணையதளத்தில் இருந்து பதிவிறக்கம் செய்து கொள்ளலாம். இந்த பட்டியலில் இடம் பெறாதவர்களுக்கு எந்த வித மாற்றமும் இல்லை என்று அறிவிக்கப்படுகிறது. இந்த தகவலை அரசு தேர்வுகள் இயக்குனர் தண்.வசுந்தராதேவி தெரிவித்துள்ளார்.
விரிவாக படிக்க இங்கே கிளிக் செய்யுங்கள் | READ MORE | CLICK HERE

Tuesday, 20 June 2017

TN POLICE RECRUITMENT 2017 RESULT PUBLISHED | தமிழ்நாடு காவலர் தேர்வு முடிவுகள் வெளியீடு

TN POLICE RECRUITMENT 2017 RESULT PUBLISHED | தமிழ்நாடு காவலர் தேர்வு முடிவுகள் வெளியீடு | தமிழ்நாடு காவல்துறையில் இரண்டாம் நிலை காவலர் உட்பட 15,664 பேருக்கான தேர்வு முடிவுகள் வெளியிடப்பட்டுள்ளன. காலியாக உள்ள 15,664 பணியிடங்களுக்கு 5 லட்சத்து 80000 பேர் தேர்வு எழுதினர்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

DGE - SSLC JUN/JULY 2017 - PRIVATE CANDIDATE HALL TICKET DOWNLOAD | எஸ்எஸ்எல்சி துணை தேர்வுக்கு அனுமதிச்சீட்டை 21-ம் தேதி (புதன்கிழமை) முதல் அரசு தேர்வுத் துறையின் இணையதளத்தில் (www.dge.tn.gov.in) இருந்து பதிவிறக்கம் செய்துகொள்ளலாம்.

Directorate of Government Examinations - SSLC Jun/July 2017 - Private Candidate Hall Ticket download instructions | எஸ்எஸ்எல்சி துணை தேர்வுக்கு அனுமதிச்சீட்டை 21-ம் தேதி (புதன்கிழமை) முதல் அரசு தேர்வுத் துறையின் இணையதளத்தில் (www.dge.tn.gov.in) இருந்து பதிவிறக்கம் செய்துகொள்ளலாம். | அரசுத் தேர்வுகள் இயக்குநர் தண்.வசுந்தரா தேவி நேற்று வெளியிட்ட செய்திக்குறிப்பு: ஜூன், ஜூலை மாதம் நடை பெறவுள்ள 10-ம் வகுப்பு சிறப்பு துணைப் பொதுத் தேர்வு எழுத அரசு தேர்வுத்துறையால் அறிவிக்கப் பட்ட நாட்களில் விண்ணப்பித்த அனைத்து தனித்தேர்வர்களும் (தட்கல் உள்பட) தேர்வுக்கூட அனுமதிச்சீட்டை 21-ம் தேதி (புதன்கிழமை) முதல் அரசு தேர்வுத் துறையின் இணையதளத்தில் (www.dge.tn.gov.in) இருந்து பதிவிறக்கம் செய்துகொள்ளலாம். பதிவிறக்கம் செய்யும்போது பதிவெண் மற்றும் பிறந்த தேதியைக் குறிப்பிட வேண்டும். எழுத்துத் தேர்வு மற்றும் செய் முறைத் தேர்வு அடங்கிய அறிவி யல் பாடத்தில் செய்முறைத் தேர்வில் 25 மதிப்பெண்களில் தேர்ச்சிக்கான குறைந்தபட்ச மதிப்பெண் 15-க்கு குறை வாக பெற்று தேர்ச்சி அடையாதவர்கள் கண்டிப்பாக செய்முறைத் தேர்வை மீண் டும் செய்ய வேண்டும். அதோடு எழுத்துத் தேர்விலும் கலந்து கொள்ள வேண்டும். மார்ச் மாதம் நடைபெற்ற 10-ம் வகுப்பு அறிவியல் பாட செய்முறைத் தேர்வில் பங்கேற்காதவர்கள் ஜூன், ஜூலை மாதம் நடைபெறவுள்ள சிறப்பு துணைப் பொதுத்தேர்வு அறிவியல் பாட செய்முறைத் தேர்வை எழுத வேண்டும். அதோடு அறிவியல் பாட கருத்தியல் தேர்வையும் மீண் டும் கண்டிப்பாக எழுத வேண்டும். இவ்வாறு அவர் கூறியுள்ளார்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

TNEA 2017 Random Number and Rank Publication |பொறியியல் படிப்புக்கு 1.40 லட்சம் பேர் விண்ணப்பம் கணினி மூலம் ரேண்டம் எண் ஒதுக்கீடு.

TNEA 2017 Random Number and Rank Publication | பொறியியல் படிப்புக்கு 1.40 லட்சம் பேர் விண்ணப்பம் கணினி மூலம் ரேண்டம் எண் ஒதுக்கீடு.  | பொறியியல் படிப்புக்கு விண்ணப்பித்த ஒரு லட்சத்து 40 ஆயிரத்து 451 மாணவ, மாணவிகளுக்கு கணினி மூலம் இன்று செவ்வாய்க்கிழமை (20.06.17) ரேண்டம் எண் ஒதுக்கப்படுகிறது. தமிழகத்தில் 17 அண்ணா பல்கலைக்கழக கல்லூரிகள், 10 அரசு பொறியியல் கல்லூரிகள், 3 அரசு உதவிபெறும் கல்லூரிகள் உட்பட மொத்தம் 523 பொறியியல் கல்லூரிகள் உள்ளன. இவற்றில் பி.இ., பி.டெக். படிப்புகளில் ஏறத்தாழ 2 லட்சம் இடங்கள் ஒற்றைச்சாளர முறையில் (சிங்கில் விண்டோ சிஸ்டம்) அண்ணா பல்கலைக்கழகத்தின் பொது கலந்தாய்வு மூலமாக நிரப்பப்படுகின்றன. இந்த ஆண்டு பொறியியல் படிப்புக்கு ஒரு லட்சத்து 40 ஆயிரத்து 451 பேர் விண்ணப்பித்து இருக்கிறார்கள். அவர்கள் அனைவருக்கும் இன்று செவ்வாய்க்கிழமை (20.06.17) கணினி மூலம் ரேண்டம் எண் ஒதுக்கப்படுகிறது. ரேண்டம் எண் என்பது கணினி மூலம் ஆன்லைனில் ஒதுக்கீடு செய்யப்படும் 16 இலக்க எண் ஆகும். பொறியியல் படிப்புக்கு அதிக எண்ணிக்கையிலான மாணவர்கள் விண்ணப்பிப்பதால் தரவரிசைப் பட்டியல் தயாரிக்கும்போது ஒன்றுக்கு மேற்பட்டவர்கள் ஒரே கட் ஆப் மதிப்பெண் பெறும் வாய்ப்புகள் மிகவும் அதிகம். அத்தகைய சூழலில், கலந்தாய்வின்போது யாருக்கு முன்னுரிமை அளிப்பது என்ற வினா எழலாம். அப்போது, முதலில் கணித மதிப்பெண் பார்க்கப்படும். அதில் யார் அதிக மதிப்பெண் பெற்றிருக்கிறாரோ அவர் முதலில் கலந்தாய்வுக்கு அழைக்கப்படுவார். ஒருவேளை கணித மதிப்பெண் சமமாக இருந்தால் இயற்பியல் மதிப்பெண்ணும் அதுவும் சமமாக இருப்பின் மாணவர்களின் முக்கிய பாடமும் (உயிரியல், கணினி அறிவியல்) அதுவும் சமமாக இருந்தால் பிறந்த தேதியும் பார்ப்பார்கள். எதிர்பாராவிதமாக பிறந்த தேதியும் ஒன்றுபோல் அமைந்தால், கடைசி வாய்ப்பாக ரேண்டம் எண் பார்க்கப்படும். அப்போது, யாருடைய ரேண்டம் எண்ணின் மதிப்பு குறைவாக இருக்கிறதோ அவர் கலந்தாய்வுக்கு முதலில் அழைக்கப்படுவார். பொறியியல் படிப்புக்கு விண்ணப்பித்த மாணவர்களுக்கு ஜூன் 20-ம் தேதி ரேண்டம் எண் ஒதுக்கீடு செய்யப்பட்டு 22-ம் தேதி தரவரிசைப் பட்டியல் வெளியிடப்படும் என்று அண்ணா பல்கலைக்கழகம் ஏற்கெனவே அறிவித்துள்ளது. அதன்படி, பொறியியல் படிப்புக்கு விண்ணப்பித்த ஒரு லட்சத்து 40 ஆயிரத்து 451 மாணவர்களுக்கும் இன்று செவ்வாய்க்கிழமை (20.06.17) அண்ணா பல்கலைக்கழகத்தில் நடைபெறும் நிகழ்ச்சியில் கணினி மூலம் ரேண்டம் எண் ஒதுக்கீடு செய்யப்படுகிறது. இதற்கான ஏற்பாடுகள் அண்ணா பல்கலைக்கழகத்தில் முழுவீச்சில் நடைபெற்று வருகின்றன. ரேண்டம் எண் ஒதுக்கீடு செய்யப்பட்ட அடுத்த சில விநாடிகளில் மாணவர்கள் தங்கள் விண்ணப்ப எண்ணை அண்ணா பல்கலைக்கழகத்தின் இணையதளத்தில் குறிப்பிட்டு தங்களுக்குரிய ரேண்டம் எண்ணை தெரிந்துகொள்ளலாம்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

முதுகலை பட்டதாரிகள் பிஎட் சேர குறைந்தபட்ச மதிப்பெண் தகுதி தேவையில்லை இந்த ஆண்டு புதிய நடைமுறை அமல்

முதுகலை பட்டதாரிகள் பிஎட் சேர குறைந்தபட்ச மதிப்பெண் தகுதி தேவையில்லை இந்த ஆண்டு புதிய நடைமுறை அமல் | இளங்கலை பட்டதாரிகள் பிஎட் படிப்புக்கான குறைந்தபட்ச தகுதி மதிப்பெண் பெறவில்லை என்றாலும் முதுகலை படிப்பு படித்திருந் தால் அவர்கள் தாராளமாக பிஎட் படிப்பில் சேரலாம். இப்புதிய நடைமுறை இந்த ஆண்டிலி ருந்து அமல்படுத்தப்பட இருக்கிறது. பிஎட் படிப்பில் சேர ஏதேனும் ஒரு பட்டப் படிப்பு முடித்திருக்க வேண்டும். (பொருளாதாரம், வணிக வியல், சமூகவியல், உளவியல் உள்ளிட்ட குறிப்பிட்ட பாடங் களுக்கு மட்டும் முதுகலை பட்டப் படிப்பு அவசியம்). பிஎட் மாணவர் சேர்க்கைக்கு பட்டப் படிப்பில் ஒவ்வொரு பிரிவினருக்கும் தனித் தனியே குறைந்தபட்ச மதிப்பெண் தகுதி நிர்ணயிக்கப்பட்டு இருக் கிறது. அதன்படி, பொதுப் பிரிவினர் எனில் 50 சதவீதமும், பிசி வகுப்பினர் எனில் 45 சதவீதமும், எம்பிசி பிரிவினர் என்றால் 43 சதவீதமும், எஸ்சி, எஸ்டி வகுப்பினர் எனில் 40 சதவீதமும் மதிப்பெண் பெற்றிருக்க வேண்டும். இந்த நிலையில், இளங்கலை பட்டதாரிகள் பிஎட் படிப்புக்கான குறைந்தபட்ச தகுதி மதிப்பெண் பெறவில்லை என்ற போதிலும் அவர்கள் முதுகலை பட்டப் படிப்பு முடித்திருந்தால் அவர்களும் பிஎட் சேரும் வண்ணம் புதிய நடைமுறை 2017-18-ம் கல்வி ஆண்டில் அறிமுகப்படுத்தப்பட இருக்கிறது. இதன்மூலம், தமிழ், ஆங்கிலம், கணிதம், இயற்பியல், வேதியியல், விலங்கியல், தாவரவியல், வரலாறு புவியியல், கணினி அறிவியல் ஆகிய பாடங்களில் இளங்கலை பட்டம் பெற்றவர்கள் பிஎட் படிப்புக்கு நிர்ணயிக்கப்பட்டுள்ள குறைந்தபட்ச மதிப்பெண் பெற வில்லை என்றாலும் ஒருவேளை அவர்கள் அந்த பாடத்தில் முதுகலை பட்டம் பெற்றிருப்பின் அவர்கள் பிஎட் படிப்புக்கு விண்ணப்பிக்கலாம். அரசு மற்றும் அரசு உதவி பெறும் கல்லூரிகளில் பிஎட் மாணவர் சேர்க்கையின்போது குறைந்தபட்ச மதிப்பெண் தகுதி என்ற பிரச்சினை எழுவதில்லை. காரணம், நிர்ணயிக்கப்பட்டுள்ள குறைந்தபட்ச மதிப்பெண்ணைக் காட்டிலும் அதிக மதிப்பெண் பெற்றவர்களுக்கே கலந்தாய்வில் இடம் கிடைக்கும் நிலை உள்ளது. புதிய நடைமுறையால், தனியார் சுயநிதி கல்வியியல் கல்லூரிகளில், மதிப்பெண் குறைவாக பெற் றவர்களும் பிஎட் படிப்பில் சேர முடியும் என்று கல்லூரி கல்வி இயக்கக அதிகாரிகள் தெரிவித்தனர். பொறியியல் பட்டதாரிகள் இட ஒதுக்கீடு 10 சதவீதமாக குறைப்பு கலை அறிவியல் பட்டதாரிகளைப் போன்று பொறியியல் பட்டதாரிகளும் பிஎட் படிப்பில் சேரும் முறை கடந்த 2015-16-ம் கல்வி ஆண்டில் அறிமுகப்படுத்தப்பட்டது. அப்போது அவர்களுக்கு எந்த விதமான இட ஒதுக்கீடும் அளிக்கப்படவில்லை. அவர்கள் கணிதம், இயற்பியல் ஆகிய பாடப் பிரிவுகளில் பிஎட் படிப்பில் சேர அனுமதிக்கப்பட்டனர். 2016-17-ம் கல்வி ஆண்டில் பொறியியல் பட்டதாரிகளுக்கு இட ஒதுக்கீடு அளிக்கும் முறை கொண்டுவரப்பட்டது. அதன்படி, கணிதம், இயற்பியல் பாடப் பிரிவுகளில் வழங்கப்படும் பிஎட் இடங்களில் 20 சதவீத இடங்கள் பொறியியல் பட்டதாரிகளுக்கு ஒதுக்கீடு செய்யப்பட்டன. இந்த சிறப்பு இட ஒதுக்கீடு காரணமாக தங்களுக்குப் பாதிப்பு ஏற்படும் என பிஎஸ்சி பட்டதாரிகள் அப்போது கடும் எதிர்ப்பு தெரிவித்தனர். 20 சதவீத இட ஒதுக்கீட்டின்படி, அரசு மற்றும் அரசு கல்வியியல் கல்லூரிகளில் பிஇ, பிடெக் பட்டதாரிகளுக்கு மொத்தம் 240 இடங்கள் ஒதுக்கப்பட்டன. ஆனால், பிஎட் படிப்புக்கு பொறியியல் பட்டதாரிகள் மத்தியில் அவ்வளவாக வரவேற்பு இல்லை. பிஎட் படிப்பு காலம் 2 ஆண்டுகளாக இருப்பதே பொறியியல் பட்டதாரிகள் பிஎட் சேர ஆர்வம் காட்டாததற்கு முக்கிய காரணம் என்று சொல்லப்பட்டது. இந்த நிலையில், 2017-18-ம் கல்வி ஆண்டுக்கான பிஎட் மாணவர் சேர்க்கை தொடர்பாக உயர் கல்வித்துறை செயலர் வெளியிட்டுள்ள வழிகாட்டி நெறிமுறைகளில், பொறியியல் பட்டதாரிகளுக்கான இட ஒதுக்கீடு 20 சதவீதத்தில் இருந்து 10 சதவீதமாக குறைக்கப்பட்டுள்ளது-ஜெ.கு.லிஸ்பன் குமார்  
விரிவாக படிக்க இங்கே கிளிக் செய்யுங்கள் | READ MORE | CLICK HERE

660 உதவிப் பேராசிரியர் பணியிடங்கள் உருவாக்கப்படும் முதல்-அமைச்சர் எடப்பாடி பழனிசாமி அறிவிப்பு

660 உதவிப் பேராசிரியர் பணியிடங்கள் உருவாக்கப்படும் முதல்-அமைச்சர் எடப்பாடி பழனிசாமி அறிவிப்பு | தமிழக சட்டசபையில் பேரவை விதி எண் 110-ன் கீழ், உயர் கல்வித்துறை தொடர்பான அறிவிப்பை முதல்-அமைச்சர் எடப்பாடி பழனிசாமி வெளியிட்டு பேசினார். அப்போது அவர் கூறியதாவது:- 43 அரசு கலை மற்றும் அறிவியல் கல்லூரிகளில் கூடுதல் வகுப்பறைகள், ஆய்வகங்கள், நூலகங்கள், கழிப்பறைகள், ஆசிரியர் ஓய்வறைகள், மாநாட்டு அறைகள், கூட்டரங்கங்கள், கூடுதல் அறைகள் போன்ற உட்கட்டமைப்பு வசதிகள் 210 கோடி ரூபாய் செலவில் 2 ஆண்டுகளில் முடிக்கப்படும். இந்த 43 அரசு கலை மற்றும் அறிவியல் கல்லூரிகளில் கட்டப்படும் கட்டிடங்கள், மறைந்த முதல்-அமைச்சர் எம்.ஜி.ஆரின் நூற்றாண்டு விழாவினைக் குறிக்கும் வகையில் "புரட்சித் தலைவர் எம்.ஜி.ஆர் நூற்றாண்டு விழா கட்டிடங்கள்" என்ற பெயரில் அழைக்கப்படும். தமிழ்நாட்டின் பல்வேறு மாவட்டங்களில் 7 புதிய அரசு கலை மற்றும் அறிவியல் கல்லூரிகள் மற்றும் 3 புதிய பல்கலைக்கழக உறுப்பு கலை மற்றும் அறிவியல் கல்லூரிகள் 2017-18-ம் கல்வியாண்டில் துவங்கப்படும். இதற்காக அரசுக்கு 100 கோடியே 31 லட்சம் ரூபாய் செலவு ஏற்படும். அரசு கலை மற்றும் அறிவியல் கல்லூரிகளில் 2017-18-ம் கல்வியாண்டில் இருந்து 268 புதிய பாடப்பிரிவுகள் (60 இளங்கலை, 75 முதுகலை, 133 ஆராய்ச்சி) அறிமுகப்படுத்தப்படவுள்ளன. இப்பாடப்பிரிவுகளை கையாள 660 உதவிப் பேராசிரியர் பணியிடங்கள் உருவாக்கப்படும். இதற்காக அரசிற்கு ஆண்டிற்கு 40 கோடியே 38 லட்சம் ரூபாய் செலவு ஏற்படும்.  இவ்வாறு எடப்பாடி பழனிசாமி கூறினார்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

சென்னை டி.பி.ஐ. வளாகத்தில் செயல்படும் பள்ளி கல்வி இயக்ககத்திற்கு ரூ.33 கோடியில் புதிய கட்டிடம் எடப்பாடி பழனிசாமி அறிவிப்பு

சென்னை டி.பி.ஐ. வளாகத்தில் செயல்படும் பள்ளி கல்வி இயக்ககத்திற்கு ரூ.33 கோடியில் புதிய கட்டிடம் எடப்பாடி பழனிசாமி அறிவிப்பு | சென்னை டி.பி.ஐ. வளாகத்தில் செயல்படும் பள்ளி கல்வி இயக்ககத்திற்கு ரூ.33 கோடியில் புதிய கட்டிடம் கட்டப்படும் என்று சட்டசபையில் முதல்-அமைச்சர் எடப்பாடி பழனிசாமி அறிவித்தார். தமிழக சட்டசபையில் பேரவை விதி எண் 110-ன் கீழ், பள்ளி கல்வித்துறை தொடர்பான அறிவிப்பை முதல்-அமைச்சர் எடப்பாடி பழனிசாமி வெளியிட்டு பேசினார். அப்போது அவர் கூறியதாவது:- வளர்ந்து வரும் தொழில்நுட்ப சவால்களுக்கு ஈடு கொடுக்கும் வகையில், அரசுப்பள்ளி மாணவர்கள் போதிய கணினி திறன்களை அடையும் வகையில் அரசு உயர்நிலை மற்றும் மேல்நிலைப் பள்ளிகளில் உயர் தொழில்நுட்பக் கணினி ஆய்வகங்கள் ஏற்படுத்தப்படும். இதன்படி, 3,090 உயர்நிலைப் பள்ளிகளுக்கு தலா 10 கணினிகளும், 2,939 மேல்நிலைப் பள்ளிகளுக்கு தலா 20 கணினிகளும், அதனுடன் தொடர்புடைய இதர சாதனங்களும் வழங்கப்படும். இதற்கென அரசுக்கு 437 கோடியே 78 லட்சம் ரூபாய் செலவு ஏற்படும். பள்ளிக் கல்வி இயக்ககம் 100 ஆண்டுகளுக்கும் மேலாக டி.பி.ஐ. வளாகத்தில் செயல்பட்டு வருகின்றது. இக்கட்டிடம் மிகவும் பழமை வாய்ந்ததாகும். மேலும், இந்த இயக்ககத்தில் இயங்கும் பல்வேறு பிரிவுகளுக்காக கூடுதல் இடவசதி தேவைப்படுகிறது. இதற்காக, ஒரு லட்சம் சதுர அடியில் 33 கோடி ரூபாய் செலவில் பள்ளிக் கல்வி இயக்ககத்திற்கு புதிய கட்டிடம் கட்டப்படும். இந்த கட்டிடம் மறைந்த முதல்-அமைச்சர் எம்.ஜி.ஆரின் நூற்றாண்டு விழாவினைக் குறிக்கும் வகையில் "புரட்சித் தலைவர் எம்.ஜி.ஆர் நூற்றாண்டு விழா கட்டிடம்" என்ற பெயரில் அழைக்கப்படும். தமிழ்நாட்டில் உள்ள அனைத்து மாணவர்களுக்கும் தரமான கல்வியை அளிப்பதோடு மட்டுமல்லாமல், அவர்கள் சிறப்பான சூழ்நிலையில் கல்வி கற்க வேண்டும் என்ற நோக்கில் உயர்நிலை மற்றும் மேல்நிலைப் பள்ளிகளுக்கு தேவைப்படும் கூடுதல் வகுப்பறைகள், அறிவியல் ஆய்வகம், அறிவியல் உபகரணங்கள், கலை மற்றும் கைவினை அறைகள், கணினி அறைகள், நூலகம், கழிவறைகள் போன்ற உள்கட்டமைப்பு வசதிகள் 39 கோடியே ஒரு லட்சம் ரூபாய் செலவில் ஏற்படுத்தி கொடுக்கப்படும். இவ்வாறு எடப்பாடி பழனிசாமி கூறினார்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Sunday, 18 June 2017

பிஎட் படிப்புக்கான அரசு ஒதுக்கீட்டில் உள்ள இடங்களுக்கு ஜூன் 21 முதல் விண்ணப்பம் வழங்கப்படும் என்று கல்லூரி கல்வி இயக்குநர் ஜெ.மஞ்சுளா அறிவித்துள்ளார்.

பி.எட். படிப்புக்கு ஜூன் 21-ம் தேதி முதல் விண்ணப்பம் கல்லூரி கல்வி இயக்குநர் அறிவிப்பு | பிஎட் படிப்புக்கான அரசு ஒதுக்கீட்டில் உள்ள இடங்களுக்கு ஜூன் 21 முதல் விண்ணப்பம் வழங்கப்படும் என்று கல்லூரி கல்வி இயக்குநர் ஜெ.மஞ்சுளா அறிவித்துள்ளார். இதுதொடர்பாக நேற்று அவர் வெளியிட்ட ஓர் அறிவிப்பில் கூறி யிருப்பதாவது: 2017-2018-ம் கல்வி ஆண்டில் அரசு மற்றும் அரசு உதவி பெறும் கல்வியியல் கல்லூரிகளில் உள்ள பிஎட் இடங்கள் ஒற்றைச்சாளர முறையில் கலந்தாய்வு மூலம் நிரப்பப்படும். இதற்கான விண் ணப்பங்கள் ஜூன் 21 முதல் 30-ம் தேதி வரை (சனி, ஞாயிறு உட்பட) பின்வரும் கல்வியியல் கல்லூரி களில் வழங்கப்படும். எங்கெங்கு கிடைக்கும்? சென்னை சைதாப்பேட்டை கல் வியியல் மேம்பாட்டு நிறுவனம், சென்னை திருவல்லிக்கேணி லேடி வெலிங்டன் கல்வியியல் மேம் பாட்டு நிறுவனம், குமாரபாளையம் அரசு கல்வியியல் கல்லூரி, ஒரத்த நாடு அரசு கல்வியியல் கல்லூரி, புதுக்கோட்டை அரசு கல்வியியல் கல்லூரி, கோவை அரசு மகளிர் கல்வியியல் கல்லூரி, வேலூர் காந்திநகர் அரசு கல்வியியல் கல்லூரி, திண்டுக்கல் மாவட்டம் காந்திகிராம் லட்சுமி கல்வியியல் கல்லூரி, சேலம் பேர்லாண்ட்ஸ் சாரதா கல்வியியல் கல்லூரி, மதுரை தியாகராசர் பர்செப்டார் கல்லூரி, தூத்துக்குடி வ.உ.சி. கல்வியியல் கல்லூரி, திரு நெல்வேலி பாளையங்கோட்டை செயின்ட் இக்னேஷியஸ் கல்வி யியல் கல்லூரி, திருவட்டாறு ஆத்தூர் என்.வி.கே.எஸ்.டி. கல்வி யியல் கல்லூரி ஆகிய இடங்களில் விண்ணப்பங்கள் கிடைக்கும். விண்ணப்பக் கட்டணம் விண்ணப்ப படிவத்தின் விலை ரூ.500. கட்டணத்தை ரொக்கமாக செலுத்தி விண்ணப்பத்தை பெற்றுக் கொள்ளலாம். எஸ்சி, எஸ்டி வகுப்பினருக்கு விண்ணப்பக் கட்டணம் ரூ.250 மட்டும். அவர்கள் சுய சான்றொப்பமிட்ட சாதிச் சான்றிதழின் நகலை சமர்ப்பிக்க வேண்டும். தபால் மூலம் விண்ணப்பங்கள் வழங்கப் படமாட்டாது. நேரில் மட்டுமே வழங்கப்படும். பூர்த்தி செய் யப்பட்ட விண்ணப்பங்களை "செயலர், தமிழ்நாடு பிஎட் மாணவர் சேர்க்கை-2017, லேடி வெலிங்டன் கல்வியியல் மேம்பாட்டு நிறு வனம், காமராஜர் சாலை, திரு வல்லிக்கேணி, சென்னை-600 005" என்ற முகவரிக்கு ஜூலை 3-ம் தேதிக்குள் அனுப்ப வேண்டும். பிஎட் மாணவர் சேர்க்கை வழிகாட்டி நெறிமுறைகள் www.ladywillingdoniase.com என்ற இணையதளத்தில் வெளியிடப் பட்டுள்ளன. இவ்வாறு அந்த அறிவிப்பி்ல் கூறப்பட்டுள்ளது  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Saturday, 17 June 2017

TRB GOVT POLYTECHNIC LECTURER NOTIFICATION | VACANCIES:1058 | EXAM DATE:13.08.17 | ONLINE APPLY LAST DATE: 07.07.17

TRB GOVT POLYTECHNIC LECTURER NOTIFICATION  | VACANCIES:1058 | EXAM DATE:13.08.17 | ONLINE APPLY LAST DATE: 07.07.17 | Direct Recruitment of Lecturers (Engineering / Non-Engineering) in Govt.Polytechnic Colleges for the year 2017 -18 அரசு தொழில்நுட்பக் கல்லூரிகளில் 1058 விரிவுரையாளர் பணியிடங்கள்: தேர்வு நாள்: 13/08/2017 விண்ணப்பிப்பதற்கான தேதி: 17/06/2017 முதல் 07/07/2017  DOWNLOAD-ENG DOWNLOAD-TAMIL DOWNLOAD-SYLLABUS
விரிவாக படிக்க இங்கே கிளிக் செய்யுங்கள் | READ MORE | CLICK HERE

Friday, 16 June 2017

PG TRB HALL TICKET PUBLISHED | DIRECT RECRUITMENT OF POST GRADUATE ASSISTANTS FOR THE YEAR 2015 - 16 AND 2016 - 17 - PLEASE CLICK HERE FOR HALL TICKET DOWNLOAD

முதுகலை பட்டதாரி ஆசிரியர் தேர்வுக்கு இணையதளத்தில் ஹால்டிக்கெட் | தமிழக அரசு வெளியிட்ட செய்திக்குறிப்பு: ஆசிரியர் தேர்வு வாரியம் முதுகலை பட்டதாரி ஆசிரியர், உடற்கல்வி இயக்குநர் (கிரேடு-1) பணியிடங்களுக்கான போட்டித்தேர்வை ஜூலை 2-ம் தேதி நடத்த உள்ளது. இத்தேர்வுக்கு 2 லட்சத்து 18,591 பேர் விண்ணப்பித்துள்ளனர். அவர்களுக்கு தேர்வுக்கூட நுழைவுச்சீட்டு (ஹால்டிக்கெட்) ஆசிரியர் தேர்வு வாரியத்தின் இணையதளத்தில் (www.trb.tn.nic.in) பதிவேற்றம் செய்யப்பட்டுள்ளது. விண்ணப்பதாரர்கள் தங்கள் விண்ணப்ப எண் மற்றும் பிறந்த தேதியைக் குறிப்பிட்டு நுழைவுச்சீட்டை பதிவிறக்கம் செய்து கொள்ளலாம். கடைசி நேர பதற்றத்தை தவிர்க்கும் பொருட்டு நுழைவுச்சீட்டு முன்னதாகவே வெளியிடப்பட்டுள்ளது. எனவே, தேர்வர் கள் ஒரு வாரத்துக்கு முன்னதாகவே தேர்வுக்கூட அனுமதிச்சீட்டை பதிவிறக்கம் செய்துகொள்ளுமாறு அறிவுறுத்தப்படுகிறார்கள். இவ்வாறு அதில் கூறப்பட்டுள்ளது.PG TRB HALL TICKET PUBLISHED | DIRECT RECRUITMENT OF POST GRADUATE ASSISTANTS FOR THE YEAR 2015 - 16 AND 2016 - 17 - PLEASE CLICK HERE FOR HALL TICKET DOWNLOAD | Direct Recruitment of Post Graduate Assistants for the year 2015 - 16 and 2016 - 17 - Please click here for Hall Ticket Download | TRB issued Notification for the Direct Recruitment of Post Graduate Assistants / Physical Education Directors Grade - I vide Advertisement No.03/2017, dated 09.05.2017. In this connection, TRB now releases the Provisional Hall Tickets for those candidates who applied for the said examination. It is informed to all applicants that the decision of the Board to issue Hall Tickets to all applicants is purely provisional and does not confer any acceptance of their claim in the application. Issuing the Hall Tickets and permitting the candidates to sit for the examination does not mean that their application forms have been accepted by the Board. The Board reserves its right to reject the candidature at any stage of the recruitment. Some of the applications received by the board do not have the candidate's photograph. The Board has provisionally admitted such candidates and uploaded their hall tickets without photograph. These candidates are advised to download the form herein and fill in the details, affix a recent passport size colour photograph and get it attested by a Gazetted Officer. The same must be handed over to the exam hall supervisor at the time of examination, along with a stamp size colour photograph  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

எஸ்எஸ்எல்சி சிறப்பு துணை பொதுத்தேர்வுக்கான அறிவியல் செய்முறைத்தேர்வு வரும் ஜூன் 22, 23 ஆகிய தேதிகளில் நடைபெறும் என்று அரசு தேர்வுத்துறை அறிவித்துள்ளது.

SSLC அறிவியல் செய்முறைத் தேர்வு ஜூன் 22, 23-ல் நடைபெறும் எஸ்எஸ்எல்சி சிறப்பு துணை பொதுத் தேர்வு அரசு தேர்வுத்துறை அறிவிப்பு | எஸ்எஸ்எல்சி சிறப்பு துணை பொதுத்தேர்வுக்கான அறிவியல் செய்முறைத்தேர்வு வரும் 22, 23 ஆகிய தேதிகளில் நடைபெறும் என்று அரசு தேர்வுத்துறை அறிவித்துள்ளது. இதுதொடர்பாக அரசுத் தேர்வு கள் இயக்குநர் தண்.வசுந்தரா தேவி நேற்று வெளியிட்ட செய் திக்குறிப்பில் கூறியிருப்பதாவது: கடந்த மார்ச் மாதம் நடை பெற்ற எஸ்எஸ்எல்சி பொதுத்தேர் வெழுதி, அறிவியல் பாட செய்முறைத்தேர்வில் தேர்ச்சி பெறாதவர்கள் மற்றும் அறிவியல் பாட பயிற்சி வகுப்புக்கு 80 சத வீதம் வருகை தந்து, ஆனால் செய்முறைத்தேர்வில் கலந்து கொள்ள தவறிய பள்ளி மாண வர்கள், தனித்தேர்வர்கள் ஜூன் 22, 23 (வியாழன், வெள்ளி) ஆகிய நாட்களில் நடைபெறவுள்ள சிறப்பு துணை பொதுத்தேர்வின் அறிவியல் பாட செய்முறைத்தேர்வில் கலந்துகொள்ள வேண்டும். இதுகுறித்த முழு விவரங் களையும் சம்பந்தப்பட்ட மாவட்ட கல்வி அதிகாரியை நேரில் அணுகி பெற்றுக்கொள்ளுமாறு அறிவுறுத்தப்படுகிறார்கள். மேலும், தனிப்பட்ட முறையில், தேர்வர்களின் வீட்டு முகவரிக்கு இதுகுறித்து அறிவிப்பு ஏதும் அனுப்பப் படாது இவ்வாறு அவர் கூறியுள்ளார்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

பிளஸ்-2 சிறப்பு துணைத்தேர்வுக்கு ஹால் டிக்கெட் இன்று (16.06.2017) முதல் பதிவிறக்கம் செய்து கொள்ளலாம்

பிளஸ்-2 சிறப்பு துணைத்தேர்வுக்கு ஹால் டிக்கெட் இன்று (16.06.2017) முதல் பதிவிறக்கம் செய்து கொள்ளலாம் | பிளஸ்-2 சிறப்பு துணைத்தேர்வு இந்த மாதம் தொடங்கப்பட உள்ளது. அந்த தேர்வுக்கு விண்ணப்பித்த அனைத்து தனித்தேர்வர்களும் (தட்கல் உட்பட) இன்று (வெள்ளிக்கிழமை) முதல் www.dge.tn.gov.in என்ற இணையதளத்தின் மூலம் தேர்வுக் கூட நுழைவுச் சீட்டுகளை பதிவிறக்கம் செய்து கொள்ளலாம். எழுத்துத் தேர்வு மற்றும் செய்முறை அடங்கிய பாடங்களில் செய்முறைத் தேர்வில் 40 மதிப்பெண்களுக்கு குறைவாக பெற்று தேர்ச்சி அடையாதவர்கள் கண்டிப்பாக செய்முறை தேர்வினை மீண்டும் செய்வதோடு எழுத்து தேர்விற்கும் வரவேண்டும். அதிகபட்ச மதிப்பெண் 200 கொண்ட செய்முறை மட்டும் உள்ள பாடத்தில் தேர்ச்சி பெறாதவர்கள் மீண்டும் செய்முறை தேர்விற்கு வருகை தர வேண்டும். இந்த தகவலை அரசு தேர்வுகள் இயக்குனர் தண்.வசுந்தராதேவி தெரிவித்துள்ளார்  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

NEET 2017 தேர்வுக்கான விடைகள் இணையதளத்தில் வெளியீடு

NEET 2017 தேர்வுக்கான விடைகள் இணையதளத்தில் வெளியீடு | இந்தியா முழுவதும் உள்ள அரசு மற்றும் தனியார் மருத்துவ கல்லூரிகள் மற்றும் நிகர்நிலைப்பல்கலைக்கழகங்களில் உள்ள எம்.பி.பி.எஸ்., பி.டி.எஸ். இடங்களுக்கு 'நீட்' என்ற தேசிய தகுதி தேர்வு நடைபெற்றது. கடந்த மாதம் 7-ந்தேதி இந்த தேர்வு நடைபெற்றது. இந்த தேர்வை 12 லட்சம் மாணவ-மாணவிகள் எழுதினார்கள். தமிழகத்தில் 85 ஆயிரம் பேர் இந்த தேர்வை எழுதினார்கள். தேர்வு முடிவு கடந்த 8-ந்தேதி வெளியிடப்படுவதாக இருந்தது. மதுரை ஐகோர்ட்டு உத்தரவால் தேர்வு முடிவு வெளியாவது தள்ளிப்போனது. சுப்ரீம் கோர்ட்டு உத்தரவின்படி நீட் தேர்வு முடிவு விரைவில் வெளியிட உள்ளது. இந்த நிலையில் நீட் தேர்வின் கேட்கப்பட்ட கேள்விகளுக்கு உரிய பதில்களை சி.பி.எஸ்.இ. நிறுவனம் இணையதளத்தில் ( www.cbseneet.nic.in ) வெளியிட்டுள்ளது DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

TNSCHOOLS 2017-2018 SCHOOL CALENDAR DOWNLOAD | மேல்நிலை,உயர்நிலை,நடுநிலை மற்றும் தொடக்கப்பள்ளிகளுக்கான வேலை நாள் காட்டியை பள்ளிக்கல்வித்துறை மற்றும் தொடக்கக்கல்வித்துறை இணைந்து வெளியிட்டுள்ளது. அதில் 2017-18ம் கல்வியாண்டுக்கான மாதவாரியாக பள்ளி வேலைநாட்கள் மற்றும் செயல்பாடுகள் விவரங்கள் குறிப்பிடப்பட்டுள்ளன.

TNSCHOOLS 2017-2018 SCHOOL CALENDAR DOWNLOAD |தனியார் பள்ளிகளைப் போலவே அரசு பள்ளிகளுக்கான ஆண்டு செயல்திட்டத்தை பள்ளிக்கல்வித் துறை முதல்முறையாக வெளி யிட்டுள்ளது. ஒவ்வொரு ஆண்டும் தனியார் பள்ளிகளில் நடத்தப்பட வேண்டிய நிகழ்வுகள், தேர்வு தேதிகள் உள் ளிட்ட செயல்திட்டங்களை முன் கூட்டியே திட்டமிட்டு, மாணவர் களுக்கு அந்தந்த பள்ளிகள் அட்ட வணையை வழங்கும். அரசுப் பள்ளிகளில் இதுவரை அது போன்ற நடைமுறை பின்பற்றப் படவில்லை. இந்நிலையில் அரசு தொடக்க, நடுநிலை, உயர்நிலை மற்றும் மேல்நிலைப் பள்ளிகளுக் கான நடப்பு கல்வியாண்டுக் கான செயல் திட்டத்தை பள்ளிக்கல்வித் துறை வெளியிட்டுள்ளது. இந்த செயல்திட்டத்தில் பள்ளி வேலை நாட்கள், எந்தெந்த நாளில் எந்தெந்த நிகழ்ச்சிகளை நடத்த வேண்டும், செஞ்சிலுவை சங்க செயல்பாடு, நாட்டு நலப்பணி திட்ட செயல்பாடுகள் ஆகியவற்றை எப்போது செய்ய வேண்டும், என்ன செய்ய வேண் டும் என்பன உள்ளிட்ட விவரங் கள் தரப்பட்டுள்ளன. குறிப்பாக விளையாட்டு தொடர்பான நிகழ்வு களுக்கும் சுற்றுச்சூழல் தொடர்பான நிகழ்வு களுக்கும் செயல்திட்ட அட்டவணையில் முக்கியத்துவம் தரப்பட்டுள்ளது. மாவட்ட அளவிலான விளை யாட்டுப் போட்டிகளை நடத்தும் தேதி, மரம் நடும் விழா நடத்தும் தேதி, கலை நிகழ்ச்சிகள் நடத் தும் தேதி, தேர்வுகள் நடை பெறும் தேதி ஆகியவையும் குறிப்பிடப்பட்டுள்ளன. சனிக்கிழமைகளில் பள்ளி இதுவரை அனைத்து சனிக் கிழமைகளிலும் அரசுப் பள்ளி களுக்கு விடுமுறை விடப்பட்டு வந்தது. ஆனால் நடப்பாண்டில் பல சனிக்கிழமைகளில் பள்ளி நடைபெறும் என்று செயல்திட்டத் தில் தெரிவிக்கப்பட்டுள்ளது. வாரந்தோறும் வெள்ளிக்கிழமை களில் கூட்டு உடற்பயிற்சி வகுப்பு நடத்தவும் அறிவுறுத்தப்பட்டு உள்ளது. இதுதவிர பள்ளி தலைமை யாசிரியர்கள், ஆசிரியர்களுக்கு பயிற்சி வழங்கும் தேதிகளும் அட்டவணையிடப்பட்டுள்ளன. தற்போது வெளியிடப்பட்ட செயல் திட்டத்தின்படி, 2017-18 கல்வி யாண்டில் 210 நாட்கள் பள்ளி வேலை நாட்களாக நிர்ணயிக் கப்பட்டுள்ளது. 3 நாட்கள் ஈடு செய்யும் உள்ளூர் விடுமுறை நாட்களாக அனுமதிக்கப்பட்டு உள்ளது. மேல்நிலை,உயர்நிலை,நடுநிலை மற்றும் தொடக்கப்பள்ளிகளுக்கான வேலை நாள் காட்டியை பள்ளிக்கல்வித்துறை மற்றும் தொடக்கக்கல்வித்துறை இணைந்து வெளியிட்டுள்ளது. அதில் 2017-18ம் கல்வியாண்டுக்கான மாதவாரியாக பள்ளி வேலைநாட்கள் மற்றும் செயல்பாடுகள் விவரங்கள் குறிப்பிடப்பட்டுள்ளன.பள்ளி வேலை / விடுமுறை நாள்கள் குறித்த நாள்குறிப்பு வெளியாகியுள்ளது. >>தொடக்க / நடுநிலைப் பள்ளிகளுக்கு வேலை நாள்கள் 210 ஆகக் குறைக்கப்பட்டுள்ளது. >>ஆனால் மீதமுள்ள நாள்களுக்கு ஆசிரியர்களுக்கு ஏப்ரல் இறுதி வாரம் முழுவதும் பயிற்சிகள் வழங்கப்படவுள்ளது. >>மே மாதம் மாணவர் சேர்க்கைகான செயல்பாடுகளைச் செய்யவும் அதில் தெரிவிக்கப்பட்டுள்ளது  DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

பள்ளிக்கல்வித் துறையில் 43 புதிய அறிவிப்புக்களை வெளியிட்டார் பள்ளிக்கல்வித்துறை அமைச்சர் கே.ஏ. செங்கோட்டையன்...விரிவான விவரங்கள்...

பள்ளிக்கல்வித் துறையில் 43 புதிய அறிவிப்புக்களை வெளியிட்டார் பள்ளிக்கல்வித்துறை அமைச்சர் கே.ஏ. செங்கோட்டையன்...விரிவான விவரங்கள்... 1) 30 புதிய தொடக்கப்பள்ளிகள் தொடங்கப்படும் 2) புதுமைகளை புகுத்தி சிறப்பாகச் செயல்படும் அரசு பள்ளிகளை கண்டறிந்து மாவட்டத்திற்கு 4 பள்ளிகள் வீதம் தேர்ந்தெடுக்கப்பட்டு "புதுமைப் பள்ளி" விருது ரூ.1.92 கோடி செலவில் வழங்கப்படும். 3) அரசு மற்றும் அரசு உதவி பெறும் பள்ளிகளுக்கு எளிமைப்படுத்தப்பட்ட செயல்வழிக் கற்றல் அட்டைகள் ரூ.31.82 கோடி செலவில் வழங்கப்படும். 4) 486 அரசு நடுநிலைப் பள்ளிகளில் ரூ 6.71 கோடி செலவில் கணினி வழிக் கற்றல் மையங்கள் அமைக்கப்படும். 5) 5639 அரசு உயர்நிலை மற்றும் மேல்நிலை பள்ளிகளுக்கு நாப்கின் வழங்கும் இயந்திரம் மற்றும் எரியூட்டி இயந்திரம் ரூ. 22.56 கோடி செலவில் வழங்கப்படும். 6) 31322 அரசு தொடக்க மற்றும் நடுநிலைப் பள்ளிகளுக்கு ரூ. 4.83 கோடி செலவில் நாளிதழ்கள் மற்றும் சிறுவர் இதழ்கள் வழங்கப்படும். ஆசிரியர் நலன் 7) 4084 ஆசிரியர் காலிப் பணியிடங்கள் நிரப்பப்படும். 8) கனவு ஆசிரியர் விருது. மாவட்டத்திற்கு 6 சிறந்த ஆசிரியர்களுக்கு ரூ10000 பரிசுத் தொகை, பாராட்டுச் சான்றிதழ். 9) தொடர் நீட்டிப்பு கோரப்படும் 17000 தற்காலிக பணியிடங்கள் நிரந்தர பணியிடங்களாக மாற்றம். 10) சுயநிதிப் பள்ளிகளில் பணிபுரியும் ஆசிரியர்களுக்கும் பணியிடை பயிற்சி மேலும் படிக்க DOWNLOAD
விரிவாக படிக்க இங்கே கிளிக் செய்யுங்கள் | READ MORE | CLICK HERE

Wednesday, 14 June 2017

TAMIL NADU HOUSING BOARD | RECRUITMENT NOTIFICATION | TNHB அறிவித்துள்ள வேலைவாய்ப்பு அறிவிப்பு . விண்ணப்பிக்க கடைசி தேதி 30.06.2017


TAMIL NADU HOUSING BOARD | RECRUITMENT NOTIFICATION | NOTIFICATION No.1/2017 DATED: 08.06.2017 | Applications are invited from the eligible candidates of Tamil Nadu native only through ONLINE MODE from 10.06.2017 to 30.06.2017 for Direct Recruitment to the various Categories of Posts | DOWNLOAD
IMPORTANT DATES:
i)Date of Notification 08.06.2017
ii) Date of commencement of online Registration of Application 10.06.2017
iii) Last date for Registration of online application and payment of fee (Application can't be registered after this date) 30.06.2017
iv) Last date of Submission of corrected application 03.07.2017
v) Date and Time of Written ExaminationThe Competitive Written Examination will be conducted as per TANCET norms by Anna University, Chennai-25, during the Month of August' 2017. The exact date and time of competitive written examination will be hosted in the website: www.tnhbrecruitment.in Candidates shall download the Hall Tickets. Separate Hall Ticket will not be sent.
விரிவாக படிக்க இங்கே கிளிக் செய்யுங்கள் | READ MORE | CLICK HERE